АНУ-ын Элчин сайдын яамны хашаанд байгаа энэ ГЭР дотор юу байгаа вэ?
Америкийн нэгдсэн улсын Элчин сайдын яамны хашаанд нэгэн өвөрмөц монгол гэр байрлах болсныг та анзаарсан уу?
Америкийн нэгдсэн улсын Элчин сайдын яамны хашаанд нэгэн өвөрмөц монгол гэр байрлах болсныг та анзаарсан уу?
АНУ болон Монгол Улс хоорондын дипломат харилцаа тогтоосны 30 жилийн ой энэ жил тохиож буй. Энэхүү тэмдэглэлт өдрийн хүрээнд олон сонирхолтой арга хэмжээнүүд зохиогдож байгаа. Тэгвэл тэр дундаас хамгийн сонирхолтой нь энэ монгол гэр ч байж мэдэх юм.
АНУ-ын Элчин сайдын яам, консулын хэлтсээр зочилсон хүн бүрийг монгол ёс заншилаар угтах, сайхан сэтгэгдэл төрүүлж, хоёр орны найрсаг харилцааг түгээх зорилгоор энэ гэрийг байрлуулсан аж.
Сонирхолтой нь энэ гэрийг монгол гэрээс санаа авч АНУ-д үйлдвэрлэсэн юм байна. Тус гэрийг “Altai Denali” хэмээн нэрлэжээ. Аляскагийн сүрлэг уул Дэнали болон Монголын хамгийн өндөр Алтай таван богд уулсын нэрээр ийнхүү нэрлэсэн байна.
Гэрийн хойморт дээр дурдсан уул, нуруудын зураг, хоёр орны төрийн далбаа зэрэг хүндэтгэлийн эд зүйлс байгаа аж.