Энэ өвлийн хамгийн үнэтэй наймаанууд
Ван Галийн худалдаж авсан голланд залуу “МЮ”-гийн 7 дугаарын ачааг даалгүй Францыг зорьсон.
Мемфис Депай, “Манчестер Юнайтед” – “Лион”, 16 сая евро
Ван Галийн худалдаж авсан голланд залуу “МЮ”-гийн 7 дугаарын ачааг даалгүй Францыг зорьсон.
Маноло Габбьядини, “Наполи” – “Саутгемптон”, 17 сая евро
“Наполи”-гийн төлөө 79 тоглолтод 25 гоол хийнэ гэдэг муугүй амжилт. 17 сая евро + бонус бол багийн хувьд ч муугүй мөнгө. Хэн хэн нь гомдолгүй.
Уилфред Ндиди, “Генк” – “Лестер”, 17,6 сая евро
Живж буй “Лестер”-ийн Кантег орлуулах ээлжит оролдлого.
Алешандре Пато, “Вильярреал” – “Тяньцзинь Цюаньцзянь”, 18 сая евро
“Милан”-д бужигнуулж явсан Патогийн Европт эргэн ирэх оролдлого “Челси”, “Вильярреал-д бүтээгүй тул бразил эр Хятадыг сонгосон.
Леонардо Паволетти, “Женоа” – “Наполи”, 18 сая евро
Өнгөрсөн улиралд 14 гоол оруулсан довтлогч “Наполи”-д ирлээ.
Аксель Витцель, “Зенит” – “Тяньцзинь Цюаньцзянь”, 20 сая евро
Италийн “Ювентус”-ын саналыг хүлээж авалгүй хятад мөнгийг сонгосон.
Чжан Чэндун, “Бейцзин Гоань” – “Хэбэй Форчун”, 20,4 сая евро
Хятадын шигшээ багийн тоглогч Чэндун ийм их үнэ хүрсэн нь гадаад тоглогчдын тоонд хязгаар тогтоосонтой холбоотой.
Морган Шнайдерлин, “Манчестер Юнайтед” – “Эвертон”, 22,9 сая евро
Жозе Моуриньод таалагдаагүй “МЮ”-ийн бас нэгэн тоглогч.
Димитри Пайет, “Вест Хэм” – “Марсель”, 29,3 сая евро
Эх орондоо эргэн очих гэж маш их хүссэн Димитри багийн андуудтайгаа ярихаа ч больсон тул зарахаас өөр аргагүйд хүрсэн.
Гонсалу Гедеш, “Бенфика” – “ПСЖ”, 30 сая евро
Авьяаслаг португал залууг Европын бараг бүх том баг сонирхож байсан ч тэр Францыг илүүд үзсэн юм.
Габриэл Жезус, “Палмейрас” – “Манчестер Сити”, 32 сая евро
Бразилийн шинэ од Английг байлдан дагуулж чадах болов уу?
Юлиан Дракслер, “Вольфсбург” – “ПСЖ”, 40 сая евро
23 настай герман залуу илүү том багт тоглохыг хүссэн. Эхний 4 тоглолтод 2 бөмбөг оруулна гэдэг муугүй амжилт.
Оскар, “Челси” – “Шанхай Теллэйс”, 60 сая евро
25 настайдаа Хятадыг зорьсон Оскар өвлийн наймааны цонхны гол сенсаац байлаа.