Монголд "Toyota” буюу дэлхийд ямар машин дийлдэг вэ
Өмнөд Солонгосын Hyundai Энэтхэг, ОХУ-д нэр хүндтэй аж.
Их Британийн “Quickco” компаниас дэлхийн улс орнуудад ямар машин хамгийн их сонирхдог болохыг харуулсан газрын зураг гаргалаа. Гэхдээ энэхүү зургийг Google ашиглагчдын мэдээлэлд тулгуурлан бүтээсэн байна.
Дэлхийд хамгийн их хэрэгцээ, шаардлагатай байгаа машинаар Японы "Toyota” шалгарсан байна. “Тоёота” нийт 193 орны 74-т нь тэргүүлэн, тасархай түрүүлжээ. Энэ брэндийн төмөр хүлгийг АНУ, Гренланд, Хятад, Энэтхэг, Монгол, Австрали болон Африкийн ихэнх орон илүүд үздэг байна. Хоёрдугаар байрт, “BMW”. Энэ машиныг европчууд сонирхдог бол гуравдугаар байрт орсон Өмнөд Солонгосын Hyundai Энэтхэг, ОХУ-д нэр хүндтэй аж. Африкийн ядуу Нигери улсын иргэд тансаг Bugatti машиныг ихэд сонирхож, хайж байсан нь хачирхалтай. Германд BMW, Францад Renault, Швед улс Volvo, Италид Fiat гэсэн эх орны брэнддээ санал өгсөн байна.