Д.Оюунхорол: Тэр зургийг Төрийн ордон болон БОАЖЯ-ны албан өрөөнд авахуулаагүй


Image Э.Намуун       492

Байгаль орчин, аялал жуулчлалын сайд, УИХ-ын гишүүн Д.Оюунхорол БНХАУ-ын иргэдийг визгүй Монгол улсад нэвтрэх асуудал болон цахим ертөнцөд цацагдаад буй зургийнхаа талаар тайлбар хийлээ.

Тэрбээр  “Эдийн засгийн байнгын хорооны хуралдаанд би жуулчдын тоог нэмэх талаар ярьсан. Энэ нь эдийн засгийн хүнд байдлаас гарах гарц юм. Статистик мэдээллээс харахад, Хятадын 600 сая аялагч гадагшаа явж аялсан гэдэг тоо бий. Тэгвэл эдгээр жуулчид Монголд ирдэг үү гэвэл үгүй юм. Цаашдаа бид аялал жуулчлалын салбараа хөгжүүлэхийн тулд яамнаас тодорхой бодлого чиглэл баримталж байгаа.  Уулын толгой бүхнээ ухаад байвал ирээдүйд уух усгүй болох вий дээ. Бид өнөөдөр гол горхи бохирдож байна гэж ярьж байгаа ч ямар хүн, ямар бодит туслалцаа үзүүлж, асуудлыг шийдэх вэ гэдгийг хэн ч ярихгүй байна. Яамны зүгээс Орхон голтой холбоотой асуудлаар уурхайн чиглэлээр үйл ажиллагаа явуулж буй 14 ААН-ийг үйл ажиллагааг зогсоохоор ажиллаж байна. Дээр нь манай улсын жуулчны бүтээгдэхүүний нэр төрөл цөөн байна. Монгол орныг зорин ирж байгаа хүмүүс үзэж харах зүйл бага байна гэх шүүмжлэл байдаг. Бид нэгдүгээрт, Улаанбаатарыг аялал жуулчлалын үүд болгох. Хоёрдугаарт, Хөвсгөл орчмын байгалийн аялал жуулчлалыг хөгжүүлэх. Илүү чанга стандарт тавьж, түүнийг хангасан ААН-ийн үйл ажиллагааг дэмжье гэдэг чиглэл барьж байна. Гуравдугаарт,  Хэнтий аймагт аялал жуулчлалыг хөгжүүлэх бодлого баримталж байна. Эдгээр асуудлыг төр засгаар дэмжүүлж, шийдвэрлүүлэхийн төлөө бид ажиллаж байна” гэв.

Мөн тэрбээр “Тэр зургийг Төрийн ордон болон БОАЖЯ-ны албан өрөөнд авахуулаагүй. Тэр бол миний өөрийн байгуулсан сургуулийн охины маань өрөө. Сонгуулийн өмнө би охиныхоо өрөөнд авахуулсан зураг. Битгий зураг дар гээд гараараа хаасан байсныг харсан байх. Би ядарсан үедээ гитар тоглодог. Тоглох ч дуртай. Би Төрийн ордонд 20 орчим жил ажиллахдаа албан өрөөндөө архи ууж байгаагүй. Тэр зургийг хэн тавьсан, юу хийснийг нь би мэдэж байгаа” гэлээ. 

 


Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

1 СЭТГЭГДЭЛТЭЙ

Зочин
[202.9.42.59]
Унтаж сэрээд хятадуудыг визгүй оруулья гэсэн тэнэг авгай. Чамайг харахаас бүх хүний ой гутаж байгааг мэдэрч амьдар
хариулах

М.Энхболд: Хөшигийн хөндийн нисэх буудлын талаарх өмнөх Засгийн газрын шийдвэр хэрэгжих ёстой

УИХ-ын дарга М.Энхболд Японы Гадаад хэргийн дэд сайд Такэо Акибаг хүлээн авч уулзав.

Э.Намуун

Манай улсад БНХАУ дэмжлэг үзүүлэхээ илэрхийллээ

Гадаад харилцааны сайд Ц.Мөнх-Оргил БНХАУ-д айлчилж байна.

Э.Намуун

ОУВС-тай хамтран хэрэгжүүлэх хөтөлбөрийг ТАЙЛБАРЛАСАН 12 жиргээ

Манай улс “Өргөтгөсөн санхүүжилтийн хөтөлбөр”-ийг хэрэгжүүлэхээр болсон билээ.

Э.Намуун

Их уншсан