Шатахуун импортлогчид ҮНЭ ӨСГӨХ ЁСГҮЙГ батлах 3 баримт


Image Э.Хулан       440

Өнгөрсөн амралтын өдрүүдэд “Шунхлай”, “Магнай трейд” болон “Петровис” компани бензиний үнийг 150 хүртэл төгрөгөөр нэмжээ. Үнэ нэмсэн шалтгаанаа хилийн үнэ 20 гаруй ам.доллараар нэмэгдсэн гэж тайлбарлаж байгаа тэдэнд төр засаг өнгөрсөн таван жилд хэн хүнээс илүү анхаарал тавьж байсныг эргэн сануулах нь илүүц биз ээ. 

Тухайлбал АН-ын Засгийн газрын үед жижиглэнгийн шатахууны үнийг тогтворжуулах хөтөлбөрийг Монголбанкнаас хэрэгжүүлж, ам.долларын форвард хэлэлцээг сар бүр хийдэг байв. Түүнчлэн, арилжааны банкуудын зээлийн хүүгээс тав дахин бага хүүтэй санхүүжилт хийдэг байсныг мартаж болохгүй(Монголбанкны Үнэ тогтворжуулах хөтөлбөрийн тухай бүх мэдээллийг авах бол ЭНД дарна уу). 

Үнэ тогтворжуулах хөтөлбөр зогссоны дараа ч Засгийн газар ОХУ-ын ВТБ банкнаас бага хүүтэй зээл авч өгсөн гээд төрийн өмчит компаниас илүү эрх ямба эдэлсэн ИМПОРТЛОГЧИД өдгөө юу хийж байна вэ. Тэд үнээ нэмэхгүй байх боломжтойг батлах 3  баримтыг хүргэж байна. 


АИ-92 бензиний татварыг тав дахин бууруулсан 

Олон улсын зах зээлд газрын тосны үнэ сэргэх хандлагатай байгаа нь Монголын уламжлалт ужиг өвчнийг хөдөлгөж, өргөн хэрэглээний бараа бүтээгдэхүүнийг үнийг өсгөх нигууртайг Засгийн газар эрт тооцож. Тиймээс автобензинд ногдох албан татварыг бууруулах шийдвэр гаргасан байна. Тодруулбал, автобензинд ногдох онцгой албан татварыг 160 мянгаас 50 мянган төгрөг болгож бууруулсан юм. Түүнчлэн 90-ээс дээш октанттай (АИ-92, АИ-95 гэх мэт) шатахууны татварыг 160 мянган төгрөгөөс 30 мянган төгрөг хүртэл бууруулжээ. Үр дүнд нь энэ жилийн улсын төсвийн орлого 110 орчим тэрбум төгрөгөөр буурах тооцоотойг өнгөрсөн нэгдүгээр сарын сүүлчээр танилцуулсан юм.

Ханш нь литр тутамдаа 150 хүртэл төгрөгөөр чангарсан АИ-92 бензиний татвар тонн тутамдаа тав дахин буурсан байгаа юм.  

“Петровис”, “Магнай трейд”, “Сод Монгол” болон“Шунхлай” компани 300 сая ам.долларын хөнгөлөлттэй зээл авах шугам нээлгэсэн 

Хөгжлийн банк өнгөрсөн оны дөрөвдүгээр сард ОХУ-ын ВТБ банкнаас гурван жилийн хугацаатай 300 сая ам.долларын зээл авч буйгаа албан ёсоор зарласан юм. Эл зээлийг шатахуун импортлогч “Петровис”, “Магнай трейд”, “Сод Монгол”, “Шунхлай” буюу өдгөө бензиний үнийг 100 төгрөгөөр нэмчихсэн нөхдүүдэд өгөхөөр тохирсон байдаг. Тухайн үед 300 сая ам.долларын зээлийг шууд гаргаж өгөхгүй гэдгийг Хөгжлийн банкны гүйцэтгэх захирал асан Н.Мөнхбат хэлж байсан юм. Тэгэхээр тухайн үед зээлээ аваад “идчихсэн” гэж хэлж болохгүй нь. 

Ам.долларын ханш үргэлжлэн суларч байна 
 

Ам.долларын ханшийн өсөлт нь шатахууны үнийг өсгөх гол хүчин зүйл болдог тухай тайлбар ШАТАХУУН ИМПОРТЛОГЧИД тавьдаг. Өнгөрсөн сард ам.долларын ханш 2500 төгрөг давж, түүхэн дээд хэмжээндээ хүрсэн. Гэхдээ дэлхийн зах зээл дээр зэс болон нүүрсний үнэ өссөн болон төрийн өмчит “Эрдэнэс Таван толгой” компанийн нүүрсний үнэ өссөн зэргээс шалтгаалж ам.долларын албан ханш 2459 төгрөг болтол буурсныг доорх графикаас харна уу. 

Эх сурвалж: www.mongolbank.mn

 

 


Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.


Хэрэв Та 10 сая төгрөгийн хадгаламжтай бол төрд хэдэн төгрөг “бэлэглэх” вэ?

10 000 000 * 15%= 1 500 000 (Нэг сая 500 мянга) - Энэ мөнгө нь таны хүүгийн орлого болно. ХХОАТ-ын тухай хуулийн дагуу, хадгаламжийн хүүгийн орлогоос 10 хувийн татвар авдаг. Тиймээс 1.5 сая төгрөгийн хүүгийн орлогоос 10 хувийн татвар төлнө гэсэн үг. 1 500 000 * 10% = 150 000 (150 мянга)

Э.Хулан

Хөгжлийн банкны 580 сая ам.долларын бондын үнэ өсжээ

Хөгжлийн банкны 580 сая ам.долларын бондыг солих нөхцөлөөс хамаараад ДЕФОЛТ болох, эсэх нь шийдэгдэнэ гэж даваа гаригт Moody’s агентлаг анхааруулсан.

Э.Хулан

Монгол хүн бүр 2900 ам.долларын өртэй

Харьцуулахад, БНХАУ-ын нэг хүнд ногдох өр 1300 ам.доллар байгаа бол ОХУ-ынх 800 ам.доллартай тэнцэж байна.

Э.Хулан

Их уншсан