УИХ-ын гишүүд шатрын аваргаа тодруулна


Image Э.Намуун       458

УИХ-ын гишүүдийн дунд “Цэцэн түшээ” шатрын тэмцээн өнөөдөр Төрийн ордонд болж байна. Тэмцээнийг нээж УИХ-ын Тамгын газрын Ерөнхий нарийн бичгийн дарга Ц.Цолмон, УИХ-ын гишүүн Г.Занданшатар, Монголын шатрын холбооны гүйцэтгэх захирал Б.Наранбаатар нар үг хэлж, оролцогчдод амжилт хүслээ.

УИХ-ын  Тамгын газрын Ерөнхий нарийн бичгийн дарга Ц.Цолмон “УИХ-ын Тамгын газар Монголын шатрын холбоотой хамтарч зөвхөн УИХ-ын гишүүдийн аварга шалгаруулах шатрын тэмцээнийг энэ жил анх удаа албан ёсоор зохион байгуулж байна. УИХ-д шатрын спортыг дэмждэг, хөгжүүлэхийн төлөө явдаг, тоглодог гишүүд олон бий. Авхаалж, сэтгэн бодох, стратеги тактик гээд төрөл бүрийн чадавхийг суулгадаг оюун ухааны энэ спортыг хөгжүүлэхэд УИХ-ын гишүүд онцгой анхаарал хандуулж, идэвх санаачилгатай ажилладгийг дурьдахад таатай байна. Үе үеийн парламентын гишүүд хоорондоо тоглож, хэн нь мундаг вэ гэдгээ сорьцгоодог ч албан ёсоор аварга тодроогүй. Тиймээс албан ёсоор аваргаа шалгаруулах нь зүйтэй гэж үзсэн” гэв.

Энэхүү тэмцээний эрэгтэйчүүдийн ангилалд, УИХ-ын дэд дарга, УИХ-ын гишүүн Ц.Нямдорж, УИХ-ын гишүүн Д.Лүндээжанцан, УИХ-ын гишүүн Ө.Энхтүвшин, УИХ-ын гишүүн Г.Занданшатар, УИХ-ын гишүүн Х.Болорчулуун, УИХ-ын гишүүн Б.Пүрэвдорж, УИХ-ын гишүүн А.Сүхбат, УИХ-ын гишүүн Г.Тэмүүлэн, УИХ-ын гишүүн Л.Оюун-Эрдэнэ, УИХ-ын гишүүн Л.Энхболд нар өрсөлдөж байна.

Харин эмэгтэйчүүдийн ангилалд, УИХ-ын гишүүн Б.Саранчимэг, УИХ-ын гишүүн А.Ундраа, УИХ-ын гишүүн Б.Ундармаа нар өрсөлдөж буй юм.

Тэмцээний нээлтийн үеэр УИХ-д шатрын спортыг дэмжих лобби бүлэг байгуулагдсан бөгөөд ахлагчаар нь УИХ-ын гишүүн Л.Оюун-Эрдэнэ ажиллах болсныг дуулгалаа.

 


Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.


Засгийн газраас 103 малчныг “Улсын аварга малчин”-аар шалгарууллаа

Шагналыг УИХ, Засгийн газрын гишүүд гардуулж байна.

Э.Намуун

Гадаад харилцааны сайд Ц.Мөнх-Оргил БНХАУ-д айлчилна

Хоёрдугаар сарын 20-21-нд айлчилна.

Э.Намуун

Их уншсан