1 мин

UB.LIFE-ийн туршилт: Одооны хүүхдүүд тэвэг тоглож чадах уу?

Энэ асуултын хариултыг олохоор бид дараах гурван хүүхдийг UB.LIFE-ийн туршилтад урьсан юм.

2017.02.07 1

Одооны хүүхдүүд найзуудтайгаа уулзаж, гадаа тоглохдоо ихэвчлэн юу тоглодог бол? Цагийн сайханд тэвэг, бөглөө, морталаас эхлээд баавгайн чих, дээс, резин гээд олон тоглоом байж билээ.Тэгвэл хөвгүүдийн дунд хамгийн тренд тоглоом байсан тэвгийг одооны хүүхдүүд тоглож чадах болов уу? Энэ асуултын хариултыг олохоор бид дараах гурван хүүхдийг UB.LIFE-ийн туршилтад урьсан юм.

Туршилтад оролцогчид:

Ингээд туршилтаа эхэлцгээе!

Г.ЭРХЭМБАЯР, 13 нас

Чиний хамгийн дуртай тоглоом юу вэ?

Хөлбөмбөг тоглох дуртай. Найзуудтайгаа сургуулийнхаа хөлбөмбөгийн талбай дээр тоглодог. Гэхдээ үргэлж тоглоод байж чаддаггүй.

Чөлөөт цагаараа ихэвчлэн юу хийдэг вэ?

Интернэт ордог. Завтай үедээ фэйсбүүк ашигладаг.

Тэвэг тоглож байсан уу?

Үгүй. Манай найзууд заримдаа тэвэг тоглодог.

Б.БУМЖАРГАЛ, 17 нас

Чиний хамгийн дуртай тоглоом юу вэ?

Сагсанбөмбөг.

Тэвэг тоглож байсан уу?

Бага ангидаа л тоглодог байсан. Ангийнхаа хөвгүүдтэй их тоглодог байлаа. Одоо тэвэг тоглодог хүүхэд бараг байхгүй байх аа.

Б.БАТСҮХ, 14 нас

Чиний хамгийн дуртай тоглоом юу вэ?

Волейбол тоглодог. Одоо ч бас найзуудтайгаа волейболын бэлтгэлээ хийж байна.

Тэвэг тоглож байсан уу?

Хоёр жилийн өмнө тоглодог байсан. Тэрнээс хойш бөөр өвдөөд тоглохоо больчихсон. Манай ангийхан ч бас тоглохоо больчихсон.

2017.02.07