Зайн эмчилгээний тоног төхөөрөмж ашиглалтад орлоо
Цаг алдалгүй ижил төстэй байгууллагуудын профессоруудаас зөвлөгөө авах, эд эс шинжилгээний оношийг баталгаажуулах боломжтой.
Оношлогооны тоног төхөөрөмжийн ашиглалтын талаарх практик сургалт өнөөдөр боллоо. Эрүүл мэндийн сайд А.Цогцэцэгийн дэмжлэгээр Эмгэг Судлалын Үндэсний Төв зайн оношлогооны иж бүрэн тоног төхөөрөмжөөр хангагдаж, үйлажиллагаанд оруулаад байна.
Тоног төхөөрөмж нийлүүлэгч “Пролианс” ХХК болон "Sakura fine tec. Japan" компанийн инженер, техникийн мэргэжилтнүүд зайн оношлогооны тоног төхөөрөмжийн тохиргоог хийж гүйцэтгэлээ. Тэд өнөөдөр Эмгэг Судлалын Үндэсний төвийн эмгэг судлаач эмч , эсийн эмгэг судлаач эмч нарт зайн оношлогооны тоног төхөөрөмжийн ашиглалтын талаарх практик сургалтыг зохион байгуулж, "Sakura fine tec. Japan" компанийн лабораторитой цахимаар холбогдон тоног төхөөрөмжийн хэвийн ажиллагааг шалган баталгаажуулж буй юм.
Зайн оношлогооны иж бүрэн тоног төхөөрөмжөөр хангагдсанаар гадаадын ижил төстэй байгууллагуудын профессоруудаас зөвлөгөө авах, эд, эс шинжилгээний оношийг баталгаажуулах боломжтой. Ингэснээр үйлчлүүлэгчид цаг алдалгүй эмчилгээгээ эхлүүлэх боломж бүрдэж байна.