мин

Кисэносатогийн аав: Хүү минь хурдхан зодог тайлаасай

Хагивара хатуу, ёжтой үгээрээ алдартай нэгэн.

М.Сугар-Эрдэнэ 2017.02.09 48 25 14

Мэргэжлийн сүмогийн 72 дахь ёкозүна Кисэносатогийн аав Хагивара хатуу, ёжтой үгээрээ алдартай нэгэн. Хүү нь ёкозүна болж, Японы ард түмэнд хүсэн хүлээсэн ёкозүна цол авчирсан ч түүний үг хэвээр. Ингээд түүний хэлсэн хэдэн үгийг танилцуулья.

“Манай хүүгийн ёкозүна болохдоо хэлсэн үг нь “Аварга хүний нэрийг гутаалгүй сайн барилдана”. Хэвлэлийнхэнд зориулаад арай илүү уран сайхан үг хэлчихгүй дээ. Озэки болохдоо хэлсэн үгнийхээ арсланг аварга болгоод л өөрчилчихөж”
“Хурдхан зодог тайлаасай гэж бодож байна. Аварга хүн заавал ялах ёстой тул ялагдаад эхэлвэл үзэж байгаа бид илүү зовох болно”
“Барилдаж байх хугацаандаа гэрлэхгүй гэж хүү минь хэлсэн. Би 39 настай гэрлэсэн болохоор аавыгаа дууриаж байгаа юм болов уу”
“Арай л жин нэмсэн байна. Энэ маягаараа бол Харүмафүжиг хэзээ ч ялж чадахгүй. Хоолны дэглэм барьж чаддаггүй хүүхэд”
“Ёкозүна бол үүрэг хариуцлага нь озэкигоос хавьгүй илүү тул маш хэцүү. Озэки байхад хүссэнээрээ барилдаж болох ч ёкозүна хүн Холбооны төлөө, ард түмний төлөө барилддаг”
“Жинхэнэ аварга хүн болохын тулд ном их уншиж, хүмүүсийн яриаг сонсон, их юм сурах хэрэгтэй”
“Цаашдаа хэлэх үг, хийх үйлдлээ хянаж, эртний аваргууд шиг бөх болоосой”  

М.Сугар-Эрдэнэ 2017.02.09