Роналдугийн “найз залуу” шоронд орлоо
Бадр Хари дээрмийн хэргээр шүүхээс хоёр жилийн ял сонссон байна.
Өнгөрсөн жил Португалийн алдарт хөлбөмбөгч Роналдутай нэр холбогдож, олны анхаарлыг татсан марокко гаралтай Голланд кик боксч Бадр Хари дээрмийн хэргээр шүүхээс хоёр жилийн ял сонссон байна. “Алтан жаал” хочит Хари 2012 онд Амстердам хотод хоёр удаа дээрмийн хэрэг үйлдсэн нь тогтоогджээ.
“2016 онд Роналду Нью-Йорк хотод 18.5 сая доллараар байр худалдан авч, дотнын найз Бадр Харид бэлэглэсэн” хэмээн “Proto Group” компани мэдээлсний дараа хэвлэл мэдээллээр Роналдуг ижил хүйстэн гэж бичиж эхэлсэн юм. Долоо хоногт хэд хэдэн удаа Марокко нисэж, Харитай уулздаг тул “Реал” багийн эзэд Роналдуд сануулга өгсөн гэсэн мэдээ ч гарч байлаа.
Бадр Хари сайн тамирчин ч хэрэг төвөгт байнга ордгоороо алдартай. Тэр нэг бус удаа рингнээс гадна өрсөлдөгчөө зодож, хэвлэлийн бага хурал дээр дажин үүсгэж байсан хүн. Хари мэргэжлийн рингэнд 120 тулаан хийснээс 106 ялалт байгуулж, 13 ялагдаж, нэг тэнцсэн. Хамгийн сүүлд 2016 оны 12 дугаар сарын 10-нд Германы Оберхаузенд нутаг нэгт Рико Верхувенд техникийн нокаутаар ялагдсан юм.