2 мин
Хар тугалганы хүний эрүүл мэндийг хордуулдаг АЙМШИГТ 10 нөлөө
Үхэлд хүргэх аюултай.
1. Бие махбодь дахь хар тугалганы хэвийн хэмжээ гэж байхгүй бөгөөд биед орсон хар тугалга тархи, элэг, бөөр ба яс руу тархдаг.
2. Ясанд хуримтлагдсан хар тугалга жирэмсэн үед цусаар дамжин урагт нөлөөлөх аюултай.
3. Бага насны хүүхэд хар тугалганд илүү өртөмхий байдаг бөгөөд хар тугалга тархи ба төв мэдрэлийн тогтолцоонд нөлөөлдөг.
4. Бага насны хүүхэд их хэмжээний хар тугалганд өртвөл ухаан балартах, татах мөн үхэлд хүрэх аюултай. Хар тугалганы гүн хордлогоноос амьд үлдсэн хүүхдүүд оюун ухааны хөгжлийн хоцрогдолтой болон зан үйлийн эмгэгтэй болдог.
5. Жирэмсэн эмэгтэй их хэмжээний хар тугалганд өртвөл зулбах, дутуу төрөх, жин багатай болон гаж хөгжилтэй нярай төрүүлэх эрсдэлтэй.
6. Хар тугалгыг ахуйн будганд тодорхой өнгө оруулах, чийгт тэсвэртэй, хурдан хатдаг болгох зэрэг зориулалтаар нэмдэг бөгөөд бага насны хүүхдүүд ийм будгаар будсан хаалга, хашаа, тоглоом зэргийн гадаргуунд гараараа хүрэн, дараа нь тэрхүү гараа амандаа хийснээр хар тугалгыг шууд бие рүүгээ оруулдаг.
7. Хар тугалга хүүхдийн тархины хөгжилд нөлөөлснөөр IQ буурах, анхаарал төвлөрөлтийн хугацаа богиносох, нийгмээс тусгаарлагдах зан үйл нэмэгдэх мөн сурч боловсрох үйл явц удаашрах зэрэг сөрөг үр дагавар үүсгэдэг.
8. Хар тугалганы мэдрэлийн тогтолцоо ба зан үйлийн нөлөө нь эргэшгүй, эдгэшгүй гэж үздэг.
9. Түүнчлэн хар тугалганд өртсөнөөр цус багадалт, даралт ихдэлттэй болох, бөөрний үйл ажиллагаа алдагдах, дархлаа тогтолцоо болон нөхөн үржихүйн эрхтнүүд хордох эрсдэлтэй.
10. Хар тугалганы хордлогоос урьдчилан сэргийлэх бүрэн боломжтой.
Энэхүү нийтлэлийг Зориг сангийн “Байгаль Орчны Манлайлагч Хөтөлбөр”-ийн Тугалган цэрэг багтай хамтран бэлтгэв.