3 мин

“Парисын Их Дуулга”-ын дараахь чансааны өөрчлөлт: Эрэгтэй

+100 кг-ын жинд Ө.Дүүрэнбаяр 18-т бичигдэж байна.

М.Сугар-Эрдэнэ 2017.02.14 28 9 1

17

Олон улсын томоохон тэмцээний дараа IJF-ийн дэлхийн чансаанд өөрчлөлт ордог билээ. “Парисын Их Дуулга”-ын дараа Олон улсын жүд бөхийн холбооноос жүдочдын чансааг шинэчлэн гаргалаа.
Эрэгтэйчүүдийн 60 кг-ын жинд лидер солигдсон. Японы Наохиса Такато эхний байрт орсон бол чансааг тэргүүлж байсан Казахстаны Елдос Сметов эхний гуравт ч багтсангүй. Такатогийн араас Азербайжаны Орхан Сафаров, Узбекистаны Шарафуддин Лутфиллаев нар жагсжээ.

1.    Наохиса Такато Япон 2568 оноо
2.    Орхан Сафаров Азербайжан 2270
3.    Шарафуддин Лутфиллаев Узбекистан 1870
6. Д.Амартүвшин 1716 оноо
12. Г.Болдбаатар 1240
29. Ц.Цогтбаатар 616
68. Г.Хэрлэн 211
70. Б.Амартүвшин 203
79. Н.Сэр-Од 180
112. Г.Баттулга 76
203. Ж.Амарболд 10
66 кг-ын жинд Өмнөд Солонгосын Ан Баул эхний байраа хадгалан үлдсэн. “Парисын Их Дуулга”-ын аварга Хифүми Абэ манай Д.Төмөрхүлэгийг шахан, хоёрдугаар байрт орж ирсэн бол гуравт олимпийн аварга Фабио Базиле эрэмблэгджээ.

1.    Ан Баул Өмнөд Солонгос 2710
2.    Хифүми Абэ Япон 2258
3.    Фабио Базиле Итали 1722
4.    Д.Алтансүх 1690
5.    Д.Төмөрхүлэг 1680
      47. Г.Хэрлэн 420
      72. А.Батсуурь 196
      98. Б.Эрхэмбаяр 120
      163. М.Ганболд 42
      172. Х.Цагаанбаатар 36
        182. Б.Батгэрэл 31
        184. Ч.Болдбаатар 30
73 кг-д онц өөрчлөлт гараагүй ч Ан Чангрим Японы Шёохэй Оног гуравдугаар байрнаас буулгасан.

1.    Рустам Оружов Азербайжан 3130 оноо
2.    Соичи Хашимото Япон 2931
3.    Ан Чангрим Өмнөд Солонгос 2260
8. Г.Одбаяр 1210
26. С.Ням-Очир 716
72. Б.Батгэрэл 244
77. Н.Хадбаатар 216
102. Х.Цагаанбаатар 131
220. Г.Балсанлхүндэв 20
81 кг-ын жинд Японы Таканори Нагасэ Парист очоогүй ч чансааг тэргүүлсэн хэвээр. Хоёрдугаар байрт олимпийн аварга Хасан Халмурзаев, гуравт Трэвис Стивенс байна. “Их Дуулга”-д түрүүлсэн Френк де Вит 17 байр ахиж, тавдугаар байрт оржээ.

1.    Таканори Нагасэ Япон 2301 оноо
2.    Хасан Халмурзаев ОХУ 2000
3.    Трэвис Стивенс АНУ 1859
7.    Н.Дагвасүрэн 1560
30. О.Ууганбаатар 610
150. Б.Алтансүх 60
Машюү Бейкер олимпийн дараа амарсаар байгаа ч нэгт хэвээр л байна. Шведийн Маркус Нюман хоёрдугаар байрт, “Парисын Их Дуулга”-ын финалд үлдсэн Францын Аксель Клерже, Хятадын Ксунжао Ченг нар удаад нь жагссан. Ченг зургаан байр дээшилсэн юм.

1.    Машюү Бейкер Япон 2680 оноо
2.    Маркус Нюман Швед 2181
3.    Аксель Клерже Франц 2178
11. Л.Отгонбаатар 1268
34. Г.Алтанбагана 490
139. О.Цэцэнцэнгэл 48
164. Г.Түвшинжаргал 24
100 хүртэлх жинд тэргүүлэгч өөрчлөгдсөн. Францын Сириль Маре Азербайжаны Эльмар Гасимовийг даван, чансааг тэрүүлсэн. Гуравдугаар байрт олимпийн аварга Лукаш Крпалек оржээ.

1.    Сириль Маре Франц 2652 оноо
2.    Эльмар Гасимов Азербайжан 2400
3.    Лукаш Крпалек Чех 2112
26. Н.Түвшинбаяр 724
49. Х.Цогтгэрэл 342
58. Д.Ишдорж 240
70. Б.Амбасэлмаа 150
127. Б.Жанчивдорж 49
152. Д.Бат-Эрдэнэ 30
213. Б.Билгүүн 2
213. О.Хангал 2
244. Д.Пүрэвдорж 1
259. Б.Ариун-Эрдэнэ 1
Тэмцээн уралдаанд оролцохгүй байгаа ч Тедди Ринер жиндээ хаан. Даниэль Натеа “Их Дуулга”-д эхний тойрогт ялагдсан ч 2-т хэвээр үлдсэн бол Такэши Ожитани нутаг нэгт Харасавагийн байрыг эзэлсэн.

1.    Тедди Ринер Франц 2800
2.    Даниэль Натеа Румын 2140
3.    Такэши Ожитани Япон 2040
18. Ө.Дүүрэнбаяр 917
25. Б.Тэмүүлэн 755

М.Сугар-Эрдэнэ 2017.02.14

17