Энэ оны хүн амын амьжиргааны доод түвшинг тогтоов


  |     2017-02-16 16:47   |     647
  2017-02-16 16:47   |     647

Үндэсний статистикийн хороо хүн амын амьжиргааны доод түвшний 2017 онд мөрдөх хэмжээг баталж 02 дугаар сарын 06-ны өдрөөс мөрдөж эхэлсэн байна. Монгол Улсын сайд, Засгийн газрын Хэрэг эрхлэх газрын дарга Ж.Мөнхбат энэ талаар Засгийн газрын хуралдаанд танилцуулав.

Энэ онд мөрдөх амьжиргааны доод түвшин баруун бүсэд 166500, хангайн бүсэд 173500, төвийн бүсэд 166200, зүүн бүсэд 165700, Улаанбаатар хотод 185300 төгрөг байх юм. 

Шинэчилсэн түвшинг өмнөх онд мөрдөж ирсэнтэй харьцуулахад төвийн бүсэд 3200, хангайн бүсэд 2700, зүүн бүсэд 2000, баруун бүсэд 1700, Улаанбаатар хотод 1600 төгрөгөөр нэмэгджээ.

Хүн амын амьжиргааны доод түвшинг иргэдэд эд, мөнгөний тусламж үзүүлэх, нийгмийн даатгалын болон нийгмийн халамжийн тэтгэвэр, тэтгэмжийн хэмжээг өөрчлөх, суралцагчдад дэмжлэг, туслалцаа үзүүлэхэд жишиг болгон хэрэглэдэг.

“Хүн амын амьжиргааны доод түвшин” гэдэг нь хэрэглээний доод хэмжээг мөнгөн хэлбэрээр илэрхийлснийг хэлнэ” гэж хуулинд заасан байдаг. Хэрэглээний доод хэмжээ нь хүний нэн тэргүүний, зайлшгүй хэрэгцээг хангах хүнсний болон хүнсний бус хэрэглээний сагсаар тодорхойлсон бараа, үйлчилгээний тоо хэмжээ юм.

 


Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

Аялал жуулчлалын гол чиглэлийг тогтоолоо

Засгийн газрын ээлжит хуралдаан өнөөдөр боллоо.

  2018-06-13 08:16

Засгийн газрын 2017 оны санхүүгийн тайлан зөрчилгүй гарлаа

Үндэсний Аудитын газраас дүгнэлтээ гардууллаа.

  2018-06-12 08:25

Далайд гарцгүй орнууд хамтран стратеги боловсруулахыг Шадар сайд уриаллаа

Далайд гарцгүй хөгжиж буй орнуудын олон улсын судалгааны төвийн нээлтийн бага хурал болов.

  2018-06-12 03:28