Хар дарсан ЗҮҮДЭЭ УРЛАГ БОЛГОЖ чадсан 22 настай залуугийн түүх
Гэрэл зурагчин Николас Бруно өдрийн цагаар бусад хүмүүстэй л ижил байдаг боловч шөнө огт өөр нэгэн болж хувирдаг. Түүний хувьд шөнө бүр амьдралынх нь хамгийн аймшигтай үе байдаг.
Гэрэл зурагчин Николас Бруно өдрийн цагаар бусад хүмүүстэй л ижил байдаг боловч шөнө огт өөр нэгэн болж хувирдаг. Түүний хувьд шөнө бүр амьдралынх нь хамгийн аймшигтай үе.
22 настай Николас "sleep paralysis" хэмээх өвчнөөр долоон жил өмнөөс тарчилсаар иржээ. Тэр хар дарсан зүүдээ бусад хүмүүсээс илүү бодитоор харж чаддаг.
Слийп паралис (Sleep paralysis- унтах, эсвэл сэрүүн байх үед бие хөдлөх, ярих, эсвэл хариу үйлдэл үзүүлэх чадвараа алдах үе) нь нүдний хурдан хөдөлгөөн (REM- хүн гүн нойронд автах үед тархины дөрвөн хэсэг ажиллаж эхэлдэг үеийг хэлнэ) эхлэхэд Бруногийн оюун санаа сэрүүн байж аймшигтай зүйлсийг харж эхэлдэг байна. Энэ нь түүнийг нойргүйдэл, бас сэтгэл гутралд оруулж өөрийгөө чөтгөрт эзлэгдсэн хүн гэж бодоход хүргэжээ.
Ахлах сургуулийн багш нь Брунод тэдгээр аймшигтай зүүдийг баримтжуулах хэрэгтэй хэмээн зөвлөснөөр Бруно айдастайгаа гэрэл зургаар дамжуулан тэмцэж эхэлжээ.
“Үүнийг хийснээр би хэн гэдгээ мэдрэх мэдрэмжтэй болсон. Урлагаар дамжуулж хүмүүстэй ярих нь надад амьдралд тууштай байх хүч, тэвчээрийг өгсөн. Энэ аймшиг надад урлагийг өгсөн. Харин энэ урлаггүйгээр би хаана юу хийх хэрэгтэйгээ мэдэхгүй байна” гэж тэр ярьжээ.