Гемодиализийн эмчилгээний зардлыг 100 хувь төрөөс хариуцдаг боллоо


  |     2017-02-16 23:30   |     369
  2017-02-16 23:30   |     369

Эрүүл мэндийн яамнаас бөөр орлуулах эмчилгээний нэг төрөл болох удаан хугацааны эмчилгээ шаарддаг гемодиализ эмчилгээний хүлээлт, чирэгдлийг багасгахыг зорин судалгаа тооцоог гаргаж, төр, хувийн хэвшлийн түншлэлийн хүрээнд анх удаа төрийн үйлчилгээг хувийн хэвшлээр гүйцэтгүүлэх үйл ажиллагааг санаачлан зохион байгуулав.

Гемодиализийн эмчилгээ, үйлчилгээ үзүүлэх эрх бүхий тусгай зөвшөөрөлтэй 7 хувийн эрүүл мэндийн байгууллагуудтай гэрээ байгуулан, үйл ажиллагааг нь эхлүүлээд байна. Тодруулбал, “Люкс диализ”, “Интермед”, “Эрин”, “Айсию”, “УБ мед” гэсэн хувийн эмнэлгүүд бөөрний архаг дутагдалтай 70 гаруй хүнд үйлчилж байгаа бөгөөд “Нарт-Эрдэнэс”, “Агапе хоспис” эмнэлгүүдэд 54 хүн нэмж хуваарилах юм. Ингэснээр тус тусламж үйлчилгээнд хамрагдаж чадахгүй хүлээгдэж байсан 120 гаруй хүн гемодиализийн эмчилгээнд тогтмол хамрагдах боломжтой боллоо.

Ийнхүү шийдвэрлэснээр бөөрний архаг дутагдалд орсон хүн үнэ төлбөргүйгээр 7 хоногт 3 удаа тогтмол гемодиализ эмчилгээнд хамрагддаг болж санхүүгийн дарамтнаас бүрэн чөлөөлөгдөж байна. Тэд нэг удаа орохдоо 125 мянга, 7 хоногт гурван удаа ороход 375 мянган төгрөгийг насан туршдаа төлөх байсныг төрөөс бүрэн хариуцдаг болов.

ЭМЯ цаашид иргэдээ бөөрний дутагдалд орохоос урьдчилан сэргийлэх ажлыг зохион байгуулж, тус өвчний хор уршгийн талаар зөвлөгөө зөвлөмжийг гарган ажиллаж байна.



Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

Ц.Нямдорж: С.Зоригийн хэргийг улсаас нуух шалтгаан байхгүй

ХЗДХ-ийн сайд Ц.Нямдорж С.Зоригийн хэргээр ЦЕГ-ын удирдлагуудад үүрэг, чиглэл өглөө.

  2017-10-23 04:46

Засгийн газрын гишүүд тамгаа хүлээн авч, үүрэгт ажилдаа орлоо

УИХ-ын чуулган хоёр өдөр хуралдаж, томилов.

  2017-10-20 05:27

У.Хүрэлсүхийн тэргүүлэх шинэ Засгийн газрын танхим бүрдлээ

УИХ-ын дарга М.Энхболд Засгийн газрын шинэ гишүүдэд баяр хүргэж, амжилт хүсэв.

  2017-10-20 02:48