1 мин

“Fifty Shades Darker” киноны нээлтийн үзвэрийн дараа танхимаас өргөст хэмх олджээ

Хачирхалтай...

Ub.life 2017.02.16 49 20 1

Зохиолч Е. Л. Жэймсийн цуврал зохиолоос сэдэвлэсэн “Fifty Shades” цуврал киноны хоёр дахь анги “Fifty Shades Darker” хоёрдугаар сарын 10-нд Америкт нээлтээ хийхтэй зэрэгцэн дэлхийн бусад орны кино театруудаар гарч эхэлсэн билээ.

Америкийн эротик, драм төрлийн тус киног үзэгч, шүүмжлэгчдээс багагүй шүүмжлэл хүртэж байсан ч ямагт олны анхаарлын төвд байсаар ирсэн. Тэгвэл тус киноны Сидней дэх нээлтийн үзвэрийн үеэр киноноосоо ч илүү анхаарал татах зүйл болсон байна.

Австралийн Сидней хот дахь “Hayden Orpheum” театрын албан ёсны цахим хуудаст нэгэн өргөст хэмхний зургийг “Киноны дараа театраас өргөст хэмх олдох тэр хачирхалтай мөч...” гэсэн тайлбартай нийтэлжээ.

Эротик киноны үзвэрийн дараа энэ эвгүй зүйл тохиосон нь цахим орчинд багагүй шуугиан дэгдээгээд байгаа юм. Тус театрын хамт олон энэ тухай нийтэлсэн нь маркетингийн ухаалаг шийдэл болсон хэмээн “Mashable” бичсэн байна.

Харин хүмүүс энэ зурагны доор “Энэ өргөст хэмхийг гараараа барьж зургийг нь авахаар шийдсэн мөч бүр ч хачирхалтай”, “Та яг одоо гараа ариутгах хэрэгтэй” гэх зэргээр хошигнож бичсээр байгаа юм.

Ub.life 2017.02.16