2 мин

Dreamers’ Day: “Head On” киноны тухай сонирхолтой 10 баримт

Берлиний кино наадмаас “Алтан баавгай” шагналыг 17 жилийн дараа хүртсэнээрээ Германы кино урлагт хүндтэй байр эзэлсэн кино.

О.Анхзаяа 2017.02.17 48 36 36

6

1. Гол дүрийн жүжигчин Бирол Унел цэргийн алба хаагаагүй учраас буцаж очих л юм бол баривчлагдах байв. Харин Туркийн Засгийн газар түүнд өршөөл үзүүлсний ачаар Германд очсоноосоо хойш 10 жилийн дараа анх удаа эх орондоо буцан очиж, киноныхоо зураг авалтыг дуусгасан байна.

2. Берлиний кино наадмаас “Алтан баавгай” шагналыг 17 жилийн дараа хүртсэнээрээ Германы кино урлагт хүндтэй байр эзэлсэн кино.

3. Киноны эхлэл хэсэгт гол дүрийн жүжигчин маань ухаанаа алдтал согтсон байгаагаар гардаг. Гэхдээ тэр жүжиглээгүй, жинхнээсээ согтсон байжээ. Тэр киног сайн болгохын тулд зураг авалтын турш согтууруулах ундаа хэрэглэж байсан аж.

4. Найруулагч Фатих Акин киноны гол дүр болох Сибелийн дүрд тоглох жүжигчнийг сонгох гэж 350 гаруй жүжигчнийг шалгасан.

5. Жүжигчдийн кинонд өмссөн дийлэнх хувцас өөрсдийнх нь. Ингэснээр зардал хэмнэснээс гадна жүжигчид илүү чөлөөтэй жүжиглэх боломжтой болжээ.

6. Олон улсын кино наадамд сонгогдох үед гол дүрийн жүжигчин Сибель Кекилл насанд хүрэгчдийн киноны од байсан учраас нэрийг нь Германы нэгэн хэвлэл нийтлэлээсээ хасаж байв.

7. Бирол Унелыг киноны зураг авалтын үеэр хэтэрхий их согтууруулах ундаа ууж байгаад эмч нь  санаа зовж, тэр хэвээрээ үргэлжилбэл үхэж ч магадгүйг сануулж байжээ.

8. Сибель Кекилл киноноос олсон мөнгөөрөө хамартаа мэс засал хийлгэсэн.

9. Киноны анхны эвлүүлэг дөрвөн цагийн урттай болжээ.

10. Стивен Шнайдерын “Үхэхээсээ өмнө заавал үзэх ёстой 1001 кино”-ны жагсаалтад дээгүүр эрэмбэлэгддэг байна.

“Head On” энэ бямба гарагт 16.00 цагаас “Dreamers’ Day” кино өдөрлөгөөр та бүхэнд хүрэх болно. Дэлгэрэнгүй мэдээллийг эндээс үзээрэй.

О.Анхзаяа 2017.02.17

6