Дүрвэгсдийн бодит амьдралыг харуулсан сомали найрагчийн “ГЭР” шүлэг


Image Г.Учрал       605

Шүлэг, яруу найраг гэдэг энгийн нэг өчил, хүлцэл, эсвэл чимэг биш юм. Яруу найраг бидэнд хэн нэгний амьдралын туршлагаар дамжуулан аливааг өөр өнцгөөс харахад тусладагаараа онцлогтой.  

Сомали-Англи гаралтай зохилч, яруу найрагч Варшан Шаир 20-оод наснаасаа дүрвэгсэд, нүүдлийн тухай бичиж эхэлжээ. 

“Гэр” шүлэгт хүчирхийллээс зугтаж гэрээсээ дайжиж буй тухай өгүүлнэ. Шэирийн авъяас чадвараас гадна энэхүү шүлэг орогнох газар хайгчид эх орноосоо эдийн засгийн шалтгаанаар дүрвэдэг, эсвэл тийм мэт харагддаг ч гол шалтгаан нь эдийн засийн асуудал биш гэдэг маргааны хариулт болж  чадах учраас энэ шүлэг өндрөөр үнэлэгдээд байна.

Европт нэвтрэхээр завдсан Сирийн ихэнхи иргэн айдас дунд тэдэнд үүнээс ямар нэг сонголт үгүй мэт байдалд байна. Хэрэв уншигч та зураглалт шүлэг сонирхдоггүй бол энэ шүлгийг уншихийг зөвлөхгүй. Гэсэн ч бодит дүр зургийг харахад бэлэн бол заавал уншаарай.

ГЭР

Хэн ч гэр нь аварга загасны аманд ороогүй бол

Хаяж явахгүй

Хот бүхэлдээ сүйрэхийг харсан хүн л

Хилийн зүг гүйнэ

Хөршүүд чинь чамаас хурдан гүйж

Хоолойдоо цус амтлан урагшилна

Хичээлдээ хамт явж

Хуучин үйлдвэрийн ард халуунаар үнссэн хөвгүүн чинь

Харин одоо өөрөөсөө том буу барьсан байна

Гэртээ үлдэхийн аргагүй болоход үед л

Гарах болно чи тэндээс

Гэр биднийг аргамжихаас нааш

Гэсэрч тэд зугтахгүй

Хөл доор гал

Хэвлийд халуун цус

Хүссэн зүйл чинь энэ биш

Хоолойд хурц илд тулгах мэт аргагүй байдалд

Хэдий төрийн дуулал аманд аялагдах ч

Онгоцны буудлын угаалгын өрөөнд пасспортоо урж хаяхдаа

Орилж уйлмаар, цурхирмаар болно

Оройтсон гэдгийг ухааруулна, гэртээ харихад

Усан дээр газраас аюултай байсан бол

Уралдаж тэд хүүхдээ завин дээр гаргахгүй гэдгийг

Ухаарах хэрэгтэй

Алгаа улайстал

Ачаан дор дарагдан

Галт тэргэнд суухгүй

Ачааны машин дээр өдөр шөнийг өнгөрөөж

Аялалын урт хугацаанд сонингийн цаас идэж

Аргацааж явахыг хэн ч хүсэхгүй

Аялалаас ч илүүтэй нь гэвэл

Хашаанаас дүүжлүүлж

Хатгуулж чичүүлж, цохиулахыг

Хэн ч хүсэхгүй

Өрөвдөм

Дүрвэгсдийн орогнох газар

Тарчилж байснаас

Шоронд байсан нь дээр

Шалтгаан

Шорон хаа сайгүй гал гарах хотоос аюулгүй

Шоронгийн нэг харгалзагч

Аав шиг чинь харагдах ч

Араатан шиг

Ачааны машины ачигчаас дээр санагдана

Хэн ч үүнийг хүсэхгүй

Хэн ч дуртай байхгүй

Хэн ч тэвчихэд хэцүү

Гэртээ харь харлагсад аа

Дүрвэгсэд

Бохир заваан цагаачид

Орогнох байр хайгчид

Орныг минь цөлмөж байна

Хар савраа тат

Хачин үнэртдэг та нар

Зэрлэгүүд

Өөрийн орныг хөмөрч цөлмөсөн

Өрөөлийн гэрийг ч мөн тэгэхийг хүсч байна

Хатуу ч гэлээ энэ үгс

Хөлний чинь завсар байх 14 эрээс

Доромжлол чулуу, яснаас

Хүүхдийн чинь бие хэсэг болж хуваагдахааас

Хамаагүй дээр

Харихыг би хүсч байна

Харин гэр минь аварга загасны аманд

Хөнөөлт бууны хонгио болжээ

Гэр чамайг эрэг дээр тогтоохгүй бол

Гэр чамд битгий яв гэж хэлээгүй бол

Хувцсаа үлдээж

Халуун цөлөөр мөлхөж

Хязгааргүй далайг гаталж

Живж

Аврагдаж  

Өлсөж

Гуйж

Бардам зангаа мартсан ч

Амьд гарах хамгаас чухал

Хөлс асгарам хоолойгоор чихэн дээр

Яв

Эндээс зугт

Би юу болж хувирснаа мэдэхээ байсан

Гэсэн ч надаас өөр хаана нэгтээ 

Гарцаагүй аюулгүй

Гэж хэлэх хүртэл

Хэн ч гэрээсээ явахыг хүсэхгүй.


Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

1 СЭТГЭГДЭЛТЭЙ

uchralaa chi shuu
[216.228.245.1]
hoorhii durvegsed hatuu huvi zayand torj, zovlongiin ihiig tuulj yawaa ulsdaa.
хариулах

Олон улсын тэтгэлэг, сургалт, хөтөлбөр хайж буй залууст зориулсан 8 ЦАХИМ ХУУДАС

Өөрийгөө хөгжүүлэх, олон улсын хөтөлбөр, арга хэмжээнүүдэд оролцож үеийн залуучуудаас суралцах, мөн дэлхийн өнцөг булан бүрт ажиллах, дадлагажих хүсэлтэй залуучууддаа зориулан дэлхий даяар зохион байгуулагддаг хурал, чуулган, солилцооны хөтөлбөр, ажлын байр, дадлагын хөтөлбөрийн тухай цогц мэдээлэл авах боломжтой үр өгөөжтэй вебсайтуудыг танилцуулж байна.

Г.Учрал

Хүмүүсийн “ЭКС”-рүүгээ явуулдаг 15 ХӨГЖИЛТЭЙ, бас ГУНИГТАЙ мессэж

Найз бүсгүй/залуугаасаа салсны дараа ч хааяа мессэж бичмээр санагдаж байсан уу? Гэхдээ тэгж зүрхэлдэггүй, эсвэл тийм ч шаардлагатай биш санагдаж байв уу?

Г.Учрал

Хар дарсан ЗҮҮДЭЭ УРЛАГ БОЛГОЖ чадсан 22 настай залуугийн түүх

Гэрэл зурагчин Николас Бруно өдрийн цагаар бусад хүмүүстэй л ижил байдаг боловч шөнө огт өөр нэгэн болж хувирдаг. Түүний хувьд шөнө бүр амьдралынх нь хамгийн аймшигтай үе байдаг.

Г.Учрал

Их уншсан