Монгол хүн бүр 2900 ам.долларын өртэй
Харьцуулахад, БНХАУ-ын нэг хүнд ногдох өр 1300 ам.доллар байгаа бол ОХУ-ынх 800 ам.доллартай тэнцэж байна.
ОУВС болон Дэлхийн банкнаас гаргадаг статистик мэдээллийг үндэслэж “Howmuch” цахим хуудас монгол хүн бүр 2900 ам.долларын өртэй гэсэн тооцоог хийжээ. Тэд бөмбөрцгийн улс орон бүрийн иргэд хэдэн ам.долларын өртэй байдгийг тооцож үзсэн нь энэ юм.
Дэлхийн санхүүгийн хямралын дараа хүмүүс өрийн хэмжээг нэлээд сонирхох болсон тухай “Howmuch” цахим хуудас онцлоод, нэг хүнд ногдох өрийн хэмжээгээр улс орныг харьцуулж харвал өрийн хэмжээг багцаалдахад хялбар гэж тайлбарласан байна.
Газрын зургаас харвал манай хоёр хөршийн нэг хүнд ногдох өрийн хэмжээ манайхаас ч бага байгаа юм. БНХАУ гэхэд л нэг хүнд ногдох өр нь 1300 ам.доллар байгаа бол ОХУ-ынх 800 ам.доллар байгаа юм.
Тэгвэл Ирландын нэг хүнд ногдох өр хамгийн их байгааг Та харж байна. Харин Либери, Тажикастан зэрэг орны нэг хүнд ногдох өр маш бага аж.