3 мин

“Grand Prix Düsseldorf” 4 алт, 11 мөнгө, 14 хүрэлтэй

1996 онд гавьяат тамирчин Д.Нармандах мөнгөн медаль хүртэж байв.

М.Сугар-Эрдэнэ 2017.02.21

Олимпийн шинэ циклийн жүдо бөхийн анхны Гран При тэмцээн энэ сарын 24-26-нд Германы Дюссельдорф хотын “Мицубиши электрик Халле” ордонд болох гэж байна. Энэ үеэр тус хотод уламжлалт Багт наадам болох тул дюссельдорфчуудын хувьд давхар баяр болж байгаа юм. Жүдочид ч гэсэн тэмцээнээс гадна үзэх харах юм ихтэй сайхан тэмцээн болох нь.
Эрэгтэй, эмэгтэй нийт 14 жингээс манайхан эрэгтэй 5, эмэгтэй 3 жинд оролцоно. Олон жилийн түүхтэй энэ тэмцээнд алдартай олон тамирчин оролцдог уламжлалтай. Риогийн олимпийн мөнгөн медальт Д.Сумъяа барилдахаар болжээ.
Монголын шигшээ баг
Эрэгтэй
60 кг- Г.Болдбаатар, Д.Амартүвшин
66 кг- Д.Төмөрхүлэг, Д.Алтансүх
73 кг- С.Баяртүвшин
81кг- Б.Алтансүх, Б.Гаажадамба
90 кг- Б.Бат-Эрдэнэ
Эмэгтэй
48 кг- Э.Гэрэлмаа
52 кг- Ч.Аззаяа,
57 кг- Д.Сумъяа, Л.Энхрийлэн
24-ний Баасан гарагт эмэгтэй 48, 52, 57 кг, эрэгтэй 60, 66 кг-ийн жингийнхэн барилдана. Маргааш нь эмэгтэй 63, 70 кг, эрэгтэй 73, 81 кг-ийнхан аваргаа тодруулна. Ням гарагт хүнд жингийнхэн буюу эмэгтэй 78, + 78 кг, эрэгтэй 90, 100, + 100 кг-ийн барилдаан болно.
“Дюссельдорф Гран При” тэмцээн 1989 оноос эхтэй. Анх “World Masters Rüsselsheim” нэртэй байсан ч ирэх жил нь “World Masters Munich” болж, 11 жилийг үдсэн. 2002 онд “German World Open Wuppertal”, 2003-2004 онд “German World Open Hamburg”, 2005-2008 онд “Super World Cup Hamburg”, 2009 онд “Grand Prix Hamburg” нэртэйгээр хот дамжиж байгаад 2010 оноос IJF-ийн цуврал тэмцээний нэг “Grand Prix Düsseldorf” болж, Дюссельдорф хотноо төвхнөсөн түүхтэй.
Монголын тамирчид анх 1996 онд энэ тэмцээнээс медаль хүртсэн. 60 кг-ийн жинд гавьяат тамирчин Д.Нармандах мөнгөн медаль хүртэж байв.
1996 он- Д.Нармандах 60 кг мөнгөн медаль “World Masters Munich”

1997 он- Ц.Очирбат 78 кг хүрэл “World Masters Munich”
2007 он- Д.Нямхүү 81 кг мөнгө, Х.Цагаанбаатар 66 кг, Н.Түвшинбаяр 100 кг хүрэл “Super World Cup Hamburg”