мин

Нефтийн үнийн өсөлтөөс болж импорт 96 хувиар өсжээ

Шатахууны импортын хилийн үнэ 2013 оноос эхлэн үргэлжлэн буурч байсан ч 2017 оны нэгдүгээр сарын байдлаар тонн тутамд 564.3 ам.долларт хүрчээ. Ингэснээр өнгөрсөн дөрвөн сар дараалан өсөөд байна.

Э.Хулан 2017.02.22 44 41 20

Энэ оны нэгдүгээр сарын байдлаар гадаад худалдааны нийт бараа эргэлтийн хэмжээ өнгөрсөн оны мөн үеэс 33.6 хувиар буюу 177.4 сая ам.доллараар өсч, 705.7 сая ам.долларт хүрчээ. Үүнд экспорт 30.2 хувиар буюу 99.4 сая ам.доллараар, импорт 39.2 хувиар буюу 78 сая ам.доллараар тус бүр өссөн нь нөлөөлжээ. Тайлант хугацаанд экспортын дүн импортын дүнгээс 151.4 сая ам.доллараар давж гадаад худалдааны тэнцэл ашигтай гарсан нь өнгөрсөн оны мөн үеэс 21.4 сая ам.доллараар өссөн үзүүлэлт юм. 

Хөрш орнуудтай хийсэн худалдааг харвал, нийт бараа эргэлтийн 68 хувь буюу 479.7 сая ам.долларын худалдааг БНХАУ улстай хийжээ. Харин ОХУ-тай 11.9 хувь буюу 84.3 сая ам.долларын худалдааг хийсэн байна. БНХАУ-тай хийсэн худалдаа өнгөрсөн оны мөн үеэс 36.1 хувиар, ОХУ-тай хийсэн худалдаа 58.8 хувиар тус тус өссөн байна. 

Өнгөрсөн нэгдүгээр сарын гүйцэтгэлээр импорт тоо хэмжээний өөрчлөлтөөс шалтгаалж 69 сая, үнийн өөрчлөлтөөс шалтгаалж 9 сая ам.доллараар тус тус өсчээ. Хэрэглээний бүтээгдэхүүний импортын тоо хэмжээ, үнэ нэмэгдсэнээс шалтгаалан уг бүлгийн импорт 12  сая ам.доллараар өссөн байгаа юм. 

Тэгвэл нефтийн бүтээгдэхүүний импорт 96 хувиар өсчээ. Нефтийн бүтээгдэхүүний импортын хилийн үнэ 2013 оноос эхлэн үргэлжлэн буурч байсан хэдий ч 2017 оны нэгдүгээр сарын байдлаар тонн тутамд 564.3 ам.долларт хүрч 4 сар дараалан өсөөд байна.  

Э.Хулан 2017.02.22