Ахмад хөлбөмбөгчдөд хүндэтгэл үзүүллээ
МХБХ-ноос ахмад хөлбөмбөгчин Мөнхдоржийн Пүрэвжал, Шийвийгийн Самдан нарт ОУХМ цол олголоо.
Монголын Хөлбөмбөгийн Холбооны удирдлагууд сар шинийн баяраар ахмад хөлбөмбөгчдөө хүлээн авч уулздаг уламжлалтай.
Өнөөдөр болсон тус уулзалтаар МХБХ-ны Ерөнхийлөгч А.Ганбаатар ахмадууддаа 2016 оны ажлын тайлангаа тавьж, цаашид хийхээр зорьж буй ажлаа танилцуулав. Уулзалтын үеэр нэгэн баяртай үйл явдал болсон нь МХБХ-ноос ахмад хөлбөмбөгчин Мөнхдоржийн Пүрэвжал, Шийвийгийн Самдан нарт Олон Улсын Хэмжээний Мастер цол олголоо. Манай ахмадууд олон улсын тэмцээнд амжилттай оролцож, улс орныхоо нэрийг өндөрт өргөж явсан түүхтэй. Ийнхүү ахмад хөлбөмбөгчид сар шинийн баярт зориулсан хүндэтгэлийн зоог барин, нэг өдрийг хуучны анд нөхөдтэйгөө сэтгэл хангалуун өнгөрөөлөө.