1 мин

Муу зээлийн хэмжээ нэг сарын дотор 48 тэрбум төгрөгөөр өсжээ

360 хоногоос дээш хугацаанд зээлээ төлөөгүй бол муу зээлийн ангилалд багтдаг

Э.Хулан 2017.02.24 49 13 7

Монголбанкнаас сар бүр арилжааны банкуудын зээлийн тайланг танилцуулдаг. Ингээд өнгөрсөн нэгдүгээр сарын арилжааны банкуудын зээлийн тайланг танилцуулжээ. Эндээс үзэхэд, чанаргүй зээлийн хэмжээ үргэлжлэн өсөж байна. 

Өнгөрсөн оны арванхоёрдугаар сарын эцсийн байдлаар 1 их наяд 47 тэрбум төгрөгийн зээл чанаргүй ангилалд багтаж байсан бол өнгөрсөн сарын сүүлчээр энэ тоо дөрвөн тэрбум төгрөгөөр өссөн байна. Тодорхой хэлбэл, 1 их наяд 51 тэрбум төгрөгийн зээл чанаргүй болжээ. 

Хамгийн гол нь, чанаргүй зээл гэх ангилалд багтдаг муу зээлийн хэмжээ эрчимтэй өссөн байна. Зээлээ 360 хоногоос дээш хугацаанд төлөөгүй зээлдэгчдийг муу зээл гэх ангилалд багтаадаг. Өнгөрсөн нэг сарын дотор муу зээл 48 тэрбум төгрөгөөр нэмэгджээ. 

Э.Хулан 2017.02.24