1 мин

Бичлэг: “Дюссельдорф Гран При” Эхний өдөр 3 медальтай

Манай тамирчид эхний өдөр медалийн бүрэн цуглуулгатай, бүх өнгийн медаль авцгаасан.

М.Сугар-Эрдэнэ 2017.02.25 42 25 1

Германы Дюссельдорф хотод болж байгаа жүдо бөхийн Гран При тэмцээн эхний өдрөөсөө сонирхолтой, сенсаац дүүрэн болж байна. Алдартай олон томчууд залуучуудад ялагдан, медалийн тавцанд гарч чадсангүй. Елдос Сметов эхний тойрогтоо өвдөг шороодсон бол эмэгтэйчүүдийн 52 кг-ын жинд 16 настай Үта Абэ түрүүлсэн.

Манай тамирчид эхний өдөр медалийн бүрэн цуглуулгатай, бүх өнгийн медаль авцгаасан. 60 кг-д Г.Болдбаатар Амиран Папинашвилиг вазаригаар ялж алт, Д.Амартүвшин Эшли Маккензиг даван, хүрэл медаль хүртлээ. 57 кг-ын жингийн финалд Тереза Штолль манай Д.Сумъяаг нэмэлт цагт ялж, германчуудыг баярлууллаа.

Эхний өдрийн байдлаар Японы баг 2 алт, 1 мөнгө, 2 хүрэл медальтай тэргүүлж, манай шигшээ баг 1 алт, 1 мөнгө, 1 хүрэлтэй удаалан, гүржүүд 1 алт, 1 мөнгөтэй 3-т жагсаж байна. Өнөөдөр эрэгтэй 73, 81, эмэгтэй 63, 70 кг-ын барилдаан болно.
Эрэгтэй
60 кг.
1.    Г.Болдбаатар Ганбат (Монгол)
2.    Амиран Папинашвили (Гүрж)
3.    Д.Амартүвшин (Монгол), Фелипе Пелим (Бразил)

66 кг.

1.    Важа Маргвелашвили (Гүрж)
2.    Нориито Исода (Япон)
3.    Тай Фликер (Израиль), Камал Хан-Магомедов (ОХУ).

Эмэгтэй
48 кг

1.    Фуна Тонаки (Япон)
2.    Мелани Клемен (Франц)
3.    Ноа Минскер (Израиль), Моника Унгуреану (Румын)

52 кг

1.    Ута Абе (Япон)
2.    Амандин Бушар (Франц)
3.    Александра-Лариса Флориан (Румын), Аи Шишиме (Япон)

57 кг.

1.    Тереза Штолл (Герман)
2.    Д.Сумъяа (Монгол)
3.    Жована Рогич (Серб), Нае Үдака (Япон)

М.Сугар-Эрдэнэ 2017.02.25