1 мин

“Эрдэнэс метан” Тавантолгойд 860 мянган ам.долларын эрэл хийнэ

“Эрдэнэс Монгол” нь нүүрсний давхаргын метаны нөөцийг тогтоож, цаашид олборлолт эхлүүлэх зорилгоор “Эрдэнэс метан” компанийг өнгөрсөн хоёрдугаар сард үүсгэн байгуулжээ

Э.Хулан 2017.03.06 47 19 5

1

Ашигт малтмал, газрын тосны газар төрийн өмчит "Эрдэнэс Монгол" компанийн охин компани болох “Эрдэнэс Метан”-тай Өмнөговь аймгийн Цогтцэций сумын нутагт байрлах Тавантолгойн нүүрсний ордод нүүрсний давхаргын метан хийн эрлийн ажил гүйцэтгэх гэрээ байгуулжээ. Гэрээг гурван жилийн хугацаатай байгуулсан бөгөөд эрэл, судалгааны ажилд 860 мянган ам доллар зарцуулахаар төлөвлөсөн байна. 

Төрийн өмчит “Эрдэнэс Монгол” компани нь өнгөрсөн хоёрдугаар сард хоёр ч шинэ компани байгуулсны нэг нь "Эрдэнэс Метан" юм. Харин нөгөөх нь хувийн хэвшлийн МАК-тай хамтарч байгуулсан "Эрдэнэс Ашид" компани гэдгийг уншигч Та санаж буй болов уу. Тус хоёр компани хайгуулын ажил хийх үндсэн жанжин шугамтай юм. 

Тодорхой хэлбэл, “Эрдэнэс Монгол” нь нүүрсний давхаргын метаны нөөцийг тогтоож, цаашид олборлолт эхлүүлэх зорилгоор “Эрдэнэс метан” компанийг өнгөрсөн хоёрдугаар сард үүсгэн байгуулсан. Мөн үед хувийн хэвшлийн МАК-тай хамтарч, Монголын түүхэнд анх удаа төр, хувийн хэвшлийн хамтарсан “Эрдэнэс Ашид” компанийг үүсгэн байгуулсан байдаг. Тус компани геологийн хайгуул, судалгааны ажил хийх юм. 

Эрдэнэс Монгол, МАК компаниуд уул уурхай эрдэс баялгийн салбарт анх удаа төр, хувийн хэвшлийн түншлэлийг байгууллаа https://t.co/H3897lh61t pic.twitter.com/1pOBpolk7U

— Erdenes Mongol (@ErdenesMongol) February 13, 2017

Э.Хулан 2017.03.06

1