Фото: “Кинг Казү” Миүра
Өнгөрсөн сарын 26-нд 50 насныхаа ойг тэмдэглэсэн алдарт хөлбөмбөгч Японы хөлбөмбөгийн лигийн хамгийн ахмад тоглогчийн рекорд амжилтаа шинэчлэсэн.
Энэ сарын 5-ны өдөр Японы хөлбөмбөгийн хоёрдугаар лигийн “Ёкохама С”, “Нагасаки” багуудын тоглолтын үеэр нэгэн түүхэн үйл явдал боллоо. “Ёкохама С” багийн довтлогч “Кинг” хочит Казү Миүра талбайд гарч, хоёрдугаар үеийн 9 дэх минут хүртэл тоглосон юм.
Өнгөрсөн сарын 26-нд 50 насныхаа ойг тэмдэглэсэн алдарт хөлбөмбөгч Японы хөлбөмбөгийн лигийн хамгийн ахмад тоглогчийн рекорд амжилтаа шинэчлэсэн нь энэ байлаа. Хэдийгээр тэр гоол оруулж чадаагүй ч 1:1 тэнцэхэд чухал үүрэг гүйцэтгэсэн.
Казүёши Миүра 1967 оны хоёрдугаар сарын 26-нд Шизүокад төрсөн.
Дэлхийн хамгийн ахмад мэргэжлийн хөлбөмбөгч.
Японы лигийн шилдэг тоглогчоор 1, мэргэн буучаар 2 удаа тодорсон.
1993 оны Азийн шилдэг хөлбөмбөгч.
1982 онд Бразилийн “Clube Atlético Juventus” багт элссэн. 1986 онд алдарт “Сантос” багтай гэрээ байгуулсан.
1990 он хүртэл Бразилид тоглож, нийт 11 гоол оруулсан амжилттайгаар Японд эргэн ирж, “Верди Кавасаки” багт орсон.
Италийн “Женоа”, Хорватын “Динамо Загреб”, Австралийн “Сидней” багуудад тоглож байсан.
Японы шигшээ багийн бүрэлдэхүүнд 89 удаа тоглож, 55 гоол оруулсан.
1998 оны ДАШТ-д оролцох шигшээ багаас хасагдсаныхаа дараа хэвлэлийн бага хурал хийлгэж байгаа нь.
50 насны ойн бялуу.
Казү одоо ч шүтээн хэвээр.