мин

Маргааш, нөгөөдөр ихэнх нутгаар хүйтэрнэ

Говь тал, хээрийн нутгаар секундэд 12-14 метр хүрч шороон шуурга шуурна.

Э.Намуун 2017.03.09 42 12 7

Маргааш нутгийн хойд хэсгээр, 11-нд ихэнх нутгаар хүйтрэхийг Цаг уур, орчны шинжилгээний газраас анхаарууллаа. Баасан гарагт нутгийн хойд хэсгээр бага зэргийн цас орно. Салхи 10-нд говь тал, хээрийн нутгаар секундэд 12-14 метр хүрч шороон шуурга шуурна. 

Мөн 10-нд нутгийн хойд хэсгээр, 11-нд ихэнх нутгаар хүйтэрч Увс нуур болон Дархадын хотгор, Идэр, Тэс голын хөндий, Хүрэн бэлчир орчмоор шөнөдөө 25-30 градус, өдөртөө 8-13 градус,  Хангай, Хөвсгөл, Хэнтэйн уулархаг нутаг, Орхон-Сэлэнгэ, Эг, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 17-22 градус, өдөртөө 3-8 градус, Алтайн өвөр говь болон говийн аймгуудын нутгийн өмнөд хэсгээр шөнөдөө 8-13 градус хүйтэн, өдөртөө 0-5 градус дулаан, бусад нутгаар шөнөдөө 12-17 градус хүйтэн, өдөртөө 1 градус дулаанаас 4 градус хүйтэн байна. 

Улаанбаатар хотын цаг агаарын 5 хоногийн урьдчилсан мэдээ

Э.Намуун 2017.03.09