ББСБ-уудын тайлангийн ирц өнгөрсөн улирлаас нэмэгдлээ
ББСБ-уудын тайлангийн ирц 96.1 хувьтай байна
Банк бус санхүүгийн байгууллагууд улирал бүр санхүүгийн тайлангаа Санхүүгийн зохицуулах хороонд илгээх учиртай. Тодруулбал, өнгөрсөн оны дөрөвдүгээр улирлын тайлан, мэдээгээ ирүүлбэл зохих 518 банк бус санхүүгийн байгууллага бий. Үүнээс 498 буюу 96.1 хувь нь тайлангаа бүрэн ирүүлжээ.
Харин нэр бүхий 20 банк бус санхүүгийн байгууллагын арав нь эхлэлтийн, арав нь өмнөх үеийн санхүүгийн тайлан тэнцлээр нэгтгэлд хамрагдсан байна. Дээрх банк бус санхүүгийн байгууллагуудын тав нь 2007-2010, гурав нь 2011-2015, 11 нь 2016 онд үйл ажиллагаа эрхлэх тусгай зөвшөөрлөө Санхүүгийн зохицуулах хорооноос авч байжээ.