1 мин

“ITB Berlin-2017” Олон улсын аялал жуулчлалын үзэсгэлэн болж байна

Өчигдөр нээлтээ хийлээ.

Э.Намуун 2017.03.09 40 8

3

ХБНГУ-ын Берлин хотноо 51 дэх удаагаа зохион байгуулагдаж буй “Ай Ти Би Берлин 2017” олон улсын аялал жуулчлалын үзэсгэлэн өчигдөр амжилттай нээлтээ хийлээ.

Тус үзэсгэлэнд Монгол Улсыг төлөөлж БОАЖЯ-ны Төрийн нарийн бичгийн дарга Ц.Цэнгэл, тус яамны сайдын зөвлөх Д.Гансүх, Нийслэлийн аялал жуулчлалын газрын дарга Д.Батсүх,  ХБНГУ-д суугаа Онц бөгөөд бүрэн эрхт элчин сайд Ц.Болор нараар ахлуулсан албаны төлөөллүүд оролцлоо.

ХБНГУ-ын Берлин хотын дарга ноён Михайл Мюллер, ХБНГУ-ын Эдийн засаг, эрчим хүчний яамны Парламентын Төрийн нарийн бичгийн дарга Ирис Глайке, ‘Мессэ Берлин’ компанийн дарга Кристиан Гёке, ХБНГУ-ын аялал жуулчлалын холбооны ерөнхийлөгч Михайл Френцэл, ХБНГУ-ын аялалын холбооны Ерөнхийлөгч Норберт Фийбиг болон Дэлхийн аялал жуулчлалын байгууллагын Ерөнхий нарийн бичгийн дарга ноён Талиб Рифай нар Дэлхийн 186 орнуудын 10 мянга гаруй аялал жуулчлалын аж ахуйн нэгжүүд оролцож буй тус үзэсгэлэнгээс Монгол Улсын үзэсгэлэнгийн талбайн нээлтэнд онцолж оролцсон нь чухал ач холбогдолтой байлаа.

Дээр дурьдсан албаны төлөөллөөс гадна үзэсгэлэнд Монголын аялал жуулчлалын холбооны ерөнхийлөгч Д.Гантөмөр тэргүүтэй ажлын хэсэг болон “МИАТ” ХХК, “Ger to ger”, “Great Chinghis Expedition”, “Tsolmon Travel”, “Juulchin”, “New Juulchin”, “Nature Tour”, “Ar Mongol Trave”l, “Star Mongolia” зэрэг компаниуд Монгол Улсыг олон улсын аялал жуулчлалын салбарт сурталчлан таниулах үүрэгтэйгээр оролцов.  

Үзэсгэлэнгийн үеэр Дэлхийн аялал жуулчлалын байгууллагын “Тогтвортой аялал жуулчлал ба Торгоны зам дагуу нутгийн иргэдийн оролцоо” сэдэвт Торгоны замын сайд нарын долоодугаар уулзалт амжилттай зохион байгуулагджээ.  

Э.Намуун 2017.03.09

3