С.Зоригийг хөнөөсөн хэргийн давж заалдах шатны шүүх хурал болно
Мягмар гарагт болно.
Төр нийгмийн зүтгэлтэн С.Зоригийг хөнөөсөн хэргийн давж заалдах шатны шүүх хурал ирэх мягмар гарагт Нийслэлийн давж заалдах шатны шүүхэд болохоор товлогджээ.
С.Зориг агсныг хөнөөсөн этгээдүүдийг шүүх хурал өнгөрсөн оны арванхоёрдугаар сард болж, Ц.Амгаланбаатар, Т.Чимэгээ, О.Содномдаржаа нарт С.Зоригийг зохион байгуулалттайгаар, захиалгаар, онц хэрцгий аргаар, шунахайн сэдлээр хөнөөсөн гэж 24-25 жилийн хорих ял оноосон юм. Энэ үеэр шүүх хурал таван өдрийн турш хаалттай хэлэлцэж, шийдвэрээ гаргасан. Хурлын дараа С.Зориг агсны дүү УИХ-ын гишүүн асан С.Оюун давж заалдах шатны шүүхэд хандахаа мэдэгдэж, гомдлоо хүргүүлжээ. Түүний гомдлыг шүүх хүлээн авч, хэрэгтэй танилцан, хурлыг товлосон тухай нийслэлийн Давж заалдах шатны шүүхээс мэдээллээ.