1 мин
Нислэгийн үеэр дуу сонсож явсан бүсгүйн чихэвч дэлбэрчээ
Чихэвчний зай хайлж, хоорондоо наалдсанаар гал гарах болсон гэж таамаглаж байгаа аж.
О.Анхзаяа
32 
25 
14 
Бээжингээс Мэльбурн хүрэх нислэгийн үеэр дуу сонсож явсан бүсгүйн зайгаар ажилладаг чихэвч дэлбэрсэн байна. Бүсгүй уг явдлын дараа, “Нүүр минь галд өртөж, би тэр дороо хүзүүг минь ороосон чихэвчнээс нүүрээ хамгаалан гараараа дарсан. Гал унтрахгүй байсан болохоор би шал руу аваад шидчихсэн. Чихэвчнээс оч үсэрч, бага зэрэг гал гарч байхыг би харсан ” гэж хэлжээ. Бүсгүй галыг унтраахаар оролдох гэсэнд нислэгийн үйлчлэгчид ус авчран асгаж, чихэвчийг саванд хийн авч явсан байна.
Уг чихэвч ямар брэндийнх байсан нь одоогоор тодорхойгүй байна. Чихэвчний зай хайлж, хоорондоо наалдсанаар гал гарах болсон гэж таамаглаж байгаа аж.
“Хүмүүс онгоц газардах хүртэл ханиалгаж, угаартах шахан явсан” гэжээ.
Хэрэв та онгоцоор нисэх гэж байгаа бол зай ашигладаг хэрэгслүүдээ сайн шалгаж яваарай. Мөн төхөөрөмжийн зай ямар нэгэн байдлаар алга болсон тохиолдолд нислэгийн багийнханд яаралтай мэдэгдэж байхыг “ATSB” санууллаа.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
М.Сугар-Эрдэнэ