Кисэгийн аз үргэлжилсээр
Нэгдүгээр сарын тэмцээнд Харүмафүжи, Какүрюү, Гоэйдо нар тэмцээнээс гарч, Хакүхо эхний 9 өдөрт 2 унаж, Котошёогикү баларсан.
Японы Осака хотноо болж буй мэргэжлийн сүмогийн Хаврын тэмцээн япон бөхчүүд тэр дундаа “Тагоноүра” дэвжээний бөхчүүдийн манлайлал дунд явагдаж байна. Сүүлийн жилүүдэд башёг хошуучлагчдын эгнээнд монгол бөх заавал байдаг байсан бол энэ удаад ёкозүна Кисэносато, сэкивакэ Такаясү гэсэн тус дэвжээний хоёр бөх нэг ч өвдөг шороодоогүй байна.
“Цол дагаж бяр” гэж хэлмээр байвч үнэндээ шинэ аварга Кисэносатог тун азтай гэж хэлж болохоор. Гол өрсөлдөгчид нь ээлж дараалан “алга” болж, эгээ л өнгөрсөн тэмцээнд түрүүлэхэд нь дайрсан аз дахин ирсэн гэлтэй. Их аварга Хакүхо гэмтээд удаагүй байтал озэки Гоэйдо ч баруун хөлөө бэртээгээд тэмцээнийг орхилоо. Хоёр өрсөлдөгч нь “баяртай” болсон гэсэн үг. Үлдсэн хоёр аварга Харүмафүжи, Какүрюү нар хэдийнэ хоёр унацгаасан, барилдаан нь нэг л биш байгаа тул Кисэносато дараалан түрүүлэхэд нь саад болох бөх алга боллоо гээд их баяртай байгаа биз. Түүний 14 ялалттай түрүүлсэн Нэгдүгээр сарын тэмцээнд Харүмафүжи, Какүрюү, Гоэйдо нар тэмцээнээс гарч, Хакүхо эхний 9 өдөрт 2 унаж, Котошёогикү баларсан. Тэгэхээр Кисэносато томчуудын хана, саадыг үзэлгүй, анхныхаа түрүүг, аварга цолтой азтай авч чадсан билээ. Харин энэ тэмцээнд түүний аз хийморь үргэлжилсээр аварга цолтой анхны түрүүгээ авах ойртож байна.
Дээд зиндаа
Зүүн |
Цол |
Баруун |
Хакүхо 2-3-2 |
Ёкозүна |
Какүрюү 6-2 |
Харүмафүжи 6-2 |
Ёкозүна |
Кисэносато 8-0 |
Гоэйдо 1-5-2 |
Озэки |
Тэрүнофүжи 7-1 |
Тамаваши 5-3 |
Сэкивакэ |
Такаясү 8-0 |
Котошёогикү 6-2 |
Сэкивакэ |
|
Митакэүми 3-5 |
Комүсүби |
Шёодай 3-5 |
Такэказэ 2-6 |
Маэгашира 1 |
Икиой 1-7 |
Соококүрай 2-6 |
М 2 |
Таканоива 2-6 |
Шёохозан 1-7 |
М 3 |
Такарафүжи 5-3 |
Ёшиказэ 4-4 |
М 4 |
Араваши 1-7 |
Эндо 5-3 |
М 5 |
Хокүтофүжи 2-6 |
Чиёонокүни 6-2 |
М 6 |
Аойяма 4-4 |
Ичиножёо 3-5 |
М 7 |
Чиёошёома 6-2 |
Кайсэй гэмтэл |
М 8 |
Окиноүми 5-3 |
Кагаяки 3-5 |
М 9 |
Котоюүки 2-6 |
Точиношин 3-5 |
М 10 |
Точиоозан 7-1 |
Дайэйшёо 4-4 |
М 11 |
Ишиүра 4-4 |
Саданоүми 2-6 |
М 12 |
Үра 4-4 |
Такакэйшёо 5-3 |
М 13 |
Дайшёомарү 5-3 |
Миёогирюү 3-5 |
М 14 |
Кёкүшюүхо 2-6 |
Чиёоо 3-5 |
М 15 |
Токүшёорюү 6-2 |
Нишикиги 3-5 |
М 16 |
|
Монгол бөхчүүд
Жюүрёо
Б-9 Азүмарюү С.Тодбилэг 4-4
Б-10 Сэйро А.Өнөболд 5-3
Макүшита
Б-7 Дайшёохо Р.Шижирбаяр 3-1
Б-9 Асасэкирюү Б.Дашням 1-3
З-12 Сакигакэ Я.Баттүшиг 2-2
Б-12 Кирибаяма Б.Лхагвасүрэн 0-4
З-23 Асахирюү Б.Дэнзэнсамбуу 3-1
З-24 Шёотэнро Д.Нямсүрэн 1-3
Б-24 Гочёозан Д.Ууганбаатар 1-3
З-35 Кагамио Б.Нанжид 1-3
Б-36 Такакасүга Э.Энхманлай 2-2
Б-47 Рюүонами Б.Буянжаргал 1-3
Санданмэ
З-79 Саданохикари Д.Наранцогт 2-2