1 мин

Өнөөдөр олон улсын Аз жаргалын өдөр

Өдөр шөнө тэнцдэг өдөр тул дэлхийн бүх хүн аз жаргалтай амьдрах ижил тэгш эрхтэй гэдгийг харуулахыг зорьжээ.

М.Сугар-Эрдэнэ 2017.03.20 23 21 17

5

НҮБ-иас жил бүрийн гуравдугаар сарын 20-ныг Олон улсын аз жаргалын өдөр (International Day of Happiness) болгон тэмдэглэхээр 2012 онд шийдвэрлэсэн юм.

Аз жаргалтай амьдрах хүсэл нь дэлхийн өнцөг булан бүрийн хүмүүсийг нэгтгэдэг зүйл билээ.

Яагаад энэ өдрийг сонгосон бэ? Өдөр шөнө тэнцдэг өдөр тул дэлхийн бүх хүн аз жаргалтай амьдрах ижил тэгш эрхтэй гэдгийг харуулахыг зорьжээ.

Хүн төрөлхтний гол зорилгын нэг нь аз жаргалтай амьдрах. Тиймээс ард иргэдийн амьдралын түвшинг дээшлүүлэхийг энэ өдөр уриалан дууддаг.

НҮБ-иас аз жаргалыг мэдрүүлэхийн тулд ядуурлыг арилгах хэрэгтэй гэж үздэг.

Мөн эдийн засгийн хөгжлөөс гадна нийгмийн асуудлуудыг шийдэх төсөл хөтөлбөр хэрэгжүүлэх ёстой.

Олон улсын аз жаргалын өдрийг тэмдэглэх санаачилгыг Бутаны вант улс гаргасан.

Бутаны ард түмэн “Gross National Happiness Index” чансаагаар дэлхийн хамгийн аз жаргалтай ард түмнээр шалгарсан юм.

“Gross National Happiness Index” чансааг гаргах аргачлалыг Бутаны хаан боловсруулсан.

“Аз жаргал” гэдэг ойлголт бол Бутан улсын албан ёсны бус гүн ухаан гэнэ.

Хүмүүсийн аз жаргалыг хэмждэг "Happy Planet Index” хэмээх чансаа ч бий.

Аз жаргал хэмээх үзэгдлийг гүн ухаан, сэтгэл судлал, шашин судлал зэрэг шинжлэх ухаан судалдаг байна.

Аз жаргал нь “аж жаргалын гормон” гэгддэг эндорфин, серотонин, дофаминтэй холбоотой.

Яруу найрагч, зохиолч, дуучин, зураач, жүжигчид олон мянган жилийн турш аз жаргалыг магтан дуулсан.

Хүн болгонд өөрийн гэсэн том, жижиг аз жаргал бий.

Аз жаргал бол мөнхийн сэдэв.

М.Сугар-Эрдэнэ 2017.03.20

5