Фэйсбүүкийн пост, сэтгэгдэл бичих хэлбэр ТУН УДАХГҮЙ ингэж өөрчлөгдөнө
Фэйсбүүкийн баг пост оруулах, сэтгэгдэл бичих хэлбэрийг шинэчлэн өөрчлөхөөр шаргуу ажиллаж байгаа аж. Тэд саяхан постны дор хэн нэгэн сэтгэгдэл бичиж байх зуур хөдөлж буй гурван цэг харуулдаг болсон бол тун удахгүй "pop up пост" нэвтрүүлэх гэнэ.
"Pop up пост" гэдэг нь та тухай постыг зөөж, дэлгэцнийхээ дуртай хэсэгт аваачин сэтгэгдлүүдийг шууд харж, бичих болохын сацуу өөрийн newsfeed-ээ гүйлгэсээр байх боломж юм.
Бүр нарийвчилбал фэйсбүүкийг чатны цэс дэлгэцний баруун дор гарч ирдэгтэй адилаар таны сонгосон пост тусдаа харагдана.
"Бид Фэйсбүүкийг илүү үзэмжтэй, хялбар, олон янзын боломжтой болгохыг үргэлж хичээдэг. Үүний дагуу бид тун удахгүй newsfeed-ийг тань амар, хялбар болгох сэтгэгдэл бичих, пост оруулах, харах шинэ дизайныг нэвтрүүлнэ" хэмээн Фэйсбүүкийг төлөөлөгч ярьжээ.