"Google" Наурызын баярыг ингэж “тэмдэглэж” байна
Өдөр бүрийн чухал үйл явдалд зориулж өнгө, дүрсээ өөрчилдөг “Google” тэмдгийн өнөөдрийн сэдэв Наурызын баяр.
Өдөр бүрийн чухал үйл явдалд зориулж өнгө, дүрсээ өөрчилдөг “Google” тэмдэг өнөөдөр Наурызын баярт зориулсан “гоёлоо зүүжээ”. Өнгө өнгийн цэцэгс, үзэсгэлэнт эрвээхийнүүдээр чимэглэсэн эл дүрс урин хаврыг угтах шиг. Персийн шинэ жилийн баяр Наурыз нь 3 мянга гаруй жилийн түүхтэй бөгөөд шөнө богиносож, өдөр уртасдаг өдрийг ийнхүү тэмдэглэх болсон билээ.
Наурызын баярыг Казакстанаас гадна дэлхийн өнцөг булан бүр дэх Иран, Түрэг үндэстнүүд өргөн дэлгэр тэмдэглэн өнгөрүүлдэг уламжлалтай. Энэ баяраар айл бүр гэрийнхээ тоос шороог цэвэрлэж, шинэ хувцас авч, гэр бүл, найз нөхдийнхөөрөө зочлон, амт шимтэй хоол ундаар бялхан баярладаг билээ.