мин
Тэрүнофүжид ёкозүна цолны болзол сонсгохгүй
Сүмогийн холбооноос ирэх тэмцээнд түүнд ёкозүна цолны болзол сонсгох талаар огт ярьсангүй.
М.Сугар-Эрдэнэ
35 
20 
15 
Мэргэжлийн сүмогийн Хаврын тэмцээн Осака хотноо өндөрлөж, шинэ ёкозүна Кисэносато түрүүллээ. Тэмцээний сүүлчийн өдөр озэки Тэрүнофүжи нэг даваа илүү тэргүүлж, Кисэносато араас нь нэхэж явлаа. Сүүлчийн өдөр хоорондоо таарсан тул Тэрүнофүжи давахад түрүүлж, уналаа гэхэд дахиад нэмэлт барилдаан байгаа. Кисэносато ёкозүна Харүмафүжид ялагдахдаа зүүн мөрөө гэмтээж орхисон тул ялалтад хэрэгтэй бүх зүйл монгол озэкигийн талд байв. Башёд түрүүлнэ гэдэг ирэх тэмцээнд ёкозүна цолны болзол сонсоно гэсэн үг. Ирэх башёд түрүүлэхгүй байлаа гэхэд үзүүрлэхэд л аварга болно. Мэргэжлийн сүмо таван ёкозүнатай үед орох нь гээд л бөхийн хорхойтнууд бодож суусан нь лавтай. Гэвч Тэрүнофүжи хоёр удаа өвдөг шороодож, түрүүлэх сайхан боломжоо алдсан. Гэмтэлтэй Кисэносатогийн түрүүнд Бөхийн өргөө тэр чигээрээ баярлаж байхад озэки Тэрүнофүжи шүгэлдүүлсээр гарч одсон. 14 дэх өдөр сэкивакэ Котошёогикүг тачиай дээр зайлж, ялснаас хойш Осакагийн үзэгчид түүнийг эсрэг талын баатар болгон эсэргүүцэж эхэлсэн. Тэр барилдаанд унасан Котошёогикү арслан цолоо эргүүлэн авах найдваргүй болж, зодог тайлж ч магадгүй болсон билээ. 13 давсан, түрүүлсэн бөхтэй даваа тэнцүү, үзүүрлэсэн гээд л уг нь бол тун сайн амжилт ч Сүмогийн холбооноос ирэх тэмцээнд түүнд ёкозүна цолны болзол сонсгох талаар огт ярьсангүй. Сүүлийн нэг жил дөрвөн удаа кадобан болсон, Котошёогикүг зайлж ялсан нь нөлөөлж, ояката нар Тэрүнофүжид боломж олгохгүй байхаар шийдвэрлэжээ.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа