мин

Засгийн газрын шийдвэрийг эрт мэдэгдээгүйгээс УТАСНЫ ЦАГ ЗӨРЖЭЭ

“Microsoft” корпорациас цагийн хуваарийн шинэчлэлт хийж байна

Э.Намуун 2017.03.27 39 29 28

МУ-ын Засгийн газрын 2017 оны хоёрдугаар сарын 08-ны өдрийн 50-р тогтоолоор зуны цагийн тоололд шилжихгүй байхаар шийдвэрлэсэн. Үүнтэй холбогдуулан хүмүүс интернетийн сүлжээ, компьютерийн системийн цагийг хэрхэн тохируулах вэ? гэсэн асуулттай тулгарч байгаа юм.

Шинэ горимд шилжүүлэх бэлтгэл ажлыг олон улсын “DST” болон “Microsoft”  корпорациас “WINDOWS TIME PACKAGE”-ийн шинэчлэлтийг хийж байна. Засгийн газрын шийдвэр гэнэт гарсан учраас зуны цагийн хуваарьт шилжих өдрөөс өмнө шинэчилж амжаагүй бөгөөд уг шинэчлэлтийг хийхэд зургаан сарын хугацаа шаардлагатай байдаг тухай СХЗГ-ын хэвлэлийн албанаас мэдээллээ.

Хэрэв та өөрийн компьютерийн системийн цагийг зуны цагийн хуваарьт автоматаар шилжүүлэх горимд тохируулсан бол "Windows time package" шинэчлэлийг бэлэн болтол түр хүлээх хэрэгтэй юм байна. 

Харин гар утасныхаа цагийн “Automatic date and time” тохиргоог идэвхигүй болгосноор цагийн зөрүү гарахгүй аж. Гар утасны тохиргоогоо иргэд өөрсдөө хийнэ.

Э.Намуун 2017.03.27