Б.Обама дурсамж номоо бичих газраар Марлон Брандогийн арлыг сонгожээ
Нэгэн цагт дэлхийн хамгийн нөлөө бүхий, басхүү хамгийн завгүй хүн байсан АНУ-ын Ерөнхийлөгч асан Барак Обама одоо бол дэлхийн хамгийн жаргалтай хүн болоод байна.
Тэр зугаалж, гольф тоглож, усанд сэлж явна.
Бас тэр Ерөнхийлөгчийн албанаас буусныхаа дараа "Penguin Random House" хэвлэлийн компанитай дурсамж номоо бичих 60 сая ам.долларын гэрээ байгуулсан. Энэ бол бүх цаг үеийн хамгийн үнэтэй номын гэрээнүүдийн нэг юм.
Тэгвэл Барак Обама дурсамж номоо хаана бичих газраа олжээ. Гэхдээ тэр нь зүгээр ч нэг газар биш.
Тэр Тетиароа хэмээн тансаг зэрэглэлийн арал сонгосон. Энэ арлыг алдарт жүжигчин Марлон Брандо худалдан авч, 30 гаруй жил амьдарч байсан аж.
Уг арал дээр зүгээр л нэг өрөө хоногоор хөлслөх зардал хамгийн багадаа 3000 ам.доллар байдаг. Нэг хүний зардал нь шүү.
Удахгүй түүний урам зориг төрүүлсэн ном хэвлэгдэн гарах нь.