“Хамгийн шивэртэй пүүз” шалгарууллаа
Уралдаанд түрүүлэхийн тулд хүүхдүүд яагаад түүний пүүз бусдынхаас илүү шивэртэй, муухай үнэртэй байгааг уран сайхнаар ярих ёстой.
“Хамгийн шивэртэй пүүз”-ний уралдаан “Rotten Sneaker Contest” уламжлал ёсоор Нью-Йорк хотод явагдлаа. Тус тэмцээнд муж бүрийн сонгон шалгаруулалтад түрүүлсэн 5-16 насны хүүхдүүд оролцдог. Хамгийн муухай пүүзийг уранхай, цоорхой, хиртэйгээс нь гадна хамгийн гол нь хамгийн их шивэртэйгээр нь шалгаруулдаг уламжлалтай.
Шивэртэй пүүз шалгаруулах санаа анх 1974 онд Вермонт мужийн Монпелье хотын нэгэн гутлын дэлгүүрийн эзэнд төржээ. Уралдаанд түрүүлэхийн тулд хүүхдүүд яагаад түүний пүүз бусдынхаас илүү шивэртэй, муухай үнэртэй байгааг ярих ёстой. Шүүгчид пүүзийг үнэртэж, хамгийн "шилдэг"-ийг нь тодруулдаг.