мин

Хэдхэн сар л хамт байх гэж үү

“Зүрхний хагалгааг яаралтай хийхгүй бол охинд дөнгөж хоёр сарын нас үлдсэн” гэж “Кёнбүгдэ” эмнэлгийн эмч нар анхааруулсан байна.

М.Сугар-Эрдэнэ 2017.03.29 41 30 15

Монголын иргэн Д.Батмандахын гэр бүл 2015 оны нэгдүгээр сард БНСУ-ыг зорьж, Тэгү хотод сууршьжээ. Нэг жилийн дараа эхнэр Б.Болорчимэг нь үйлдвэрийн осолд орж, автомат машинд зүүн гараа даруулж, хүнд гэмтсэн байна. Улмаар хөдөлмөрийн чадвараа алдаж, таван ч удаа мэс засалд орсон гэнэ. Б.Болорчимэг гэмтснээр түүний нөхөр Д.Батмандах ганцаараа ажиллан, эхнэр, хоёр хүүгээ авч явж байлаа.  
Энэ оны хоёрдугаар сард тэднийх шинэ хүнээ хүлээн авч, охин төрлөө хэмээн ихэд бэлэгшээн, тэнгэр бурхандаа баярлаж байв. Гэвч охин Батмандахын Энх-Од (1 сартай) төрөлхийн зүрхний цооролттой төржээ.

“Зүрхний хагалгааг яаралтай хийхгүй бол охинд дөнгөж хоёр сарын нас үлдсэн” гэж Тэгү хотын “Кёнбүгдэ” эмнэлгийн эмч нар анхааруулсан байна. Хагалгааны зардал нийтдээ 36-40 сая вон болох бөгөөд тус зардлыг хэрхэн олох нь тун хүнд асуудал болоод байгаа аж.  
Харийн нутгийн зүгт бусдын адил сайхан амьдралыг цогцлооно гэж зорьсон залуу гэр бүл өнөөдөр дээшээ тэнгэр хол, доошоо газар хатуу болоод байгаа юм. Охинд чин сэтгэлээсээ туслахыг хүссэн хүмүүст байвал доорх хаягаар хандаж болно.
Хандивын данс: Ээж Баярсайхан Болорчимэг
ХААН БАНК 5086010999
Өмнөд Солонгос дахь банк
KB국민 은행 bayarsaikhan bolorchimeg 292501-01-203509

М.Сугар-Эрдэнэ 2017.03.29