Фото: Фидель Кастро, Ю.Цэдэнбал нарын ховор зургууд
Кубын ерөнхийлөгч агсан, Кубын Коммунист намын анхны ерөнхий нарийн бичгийн дарга, тус улсад өрнөсөн хувьсгалын гол удирдагчдын нэг байсан Фидель Кастро 90 насандаа таалал төгслөө.
Кубын ерөнхийлөгч агсан, Кубын Коммунист намын анхны ерөнхий нарийн бичгийн дарга, тус улсад өрнөсөн хувьсгалын гол удирдагчдын нэг байсан Фидель Кастро 90 насандаа таалал төгслөө.
Тэрбээр Кубын төрийг 50 жил тасралтгүй удирдаж, өвчний улмаас 2006 оны долдугаар сарын 31-нд өөрийн дүү Раул Кастродоо албаа шилжүүлсэн билээ. Хэдийгээр тэр Монголд ирж байгаагүй ч Монголын нам, төр, засгийн удирдагч Ю.Цэдэнбал 1972 онд, Ж.Батмөнх 1984 онд Куба улсад айлчлах үеэрээ Ф.Кастротой уулзсан байдаг.
Монгол, Куба хоёр улсын улс төрийн харилцаа 1960 оны 12 дугаар сард дипломат харилцаа тогтоож, 1962 оны долоо, есдүгээр сард харилцан бие биеийн нийслэлд ЭСЯ-аа нээснээр эхэлсэн. 1990-ээд оноос өмнө социализмын жилүүдэд Монгол, Кубын хооронд нам, төрийн шугамаар бүх шатны түвшинд харилцан айлчлалыг өргөн хэрэгжүүлж байсан билээ.