мин
Рюүонами зодог тайллаа
Сэкитори болох тун дөхсөн бөхчүүдийн нэг.
М.Сугар-Эрдэнэ
46 
29 
23 
Өнгөрсөн Хаврын тэмцээнд макүшитагийн баруун жигүүрийн 47-гоос барилдсан манай бөх Рюүонами хэмээх Буянжаргалын Баттөгс зодог тайлжээ. Тэр 2 ялж, 5 удаа өвдөг шороодоод байсан юм. 1987 оны есдүгээр сарын 12-нд төрсөн, 187 см өндөр, 129 кг жинтэй Рюүонами 2015 оны Намрын тэмцээнд макүшитагийн 11-т дэвшиж байлаа.
Их аварга Асашёорюүгийн урилгаар 2003 онд Мэйтокү дунд сургуульд элсэж, Азүмарюүтэй цуг сургуулийнхаа сүмогийн багт барилдсан. 2006 онд хамтдаа Кюүшюүгийн мэдээлэл, харилцаа холбооны их сургуульд дэвшин, 2010 онд их сургуулиа дүүргээд Тацүнами дэвжээнд орсон юм. 2010 оны Зуны тэмцээнд анх ороод жонокүчид түрүүлсэн. Дараагийн тэмцээнд жониданд ч өвдөг шороодолгүй 7 давсан. Есдүгээр сарын башёд санданмэд 5 ялж, 11 сар гэхэд макүшитад дэвшчихсэн байлаа. 2011 оноос хойш өдийг хүртэл макүшитад барилдсан. Сэкитори болох тун дөхсөн бөхчүүдийн нэг. Мэргэжлийн сүмод нийт 156 ялалт, 129 унаатай.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа