Улсын хэмжээнд мал төллөлт 7.3 хувьтай байна
Төл малын 90 гаруй хувь нь бойжиж байна.
Энэ сарын 27-ны байдлаар улсын хэмжээнд мал төллөлт 7.3 хувьтай буюу 1.8 сая хээлтэгч төллөжээ. Энэ нь өмнөх долоо хоногтой харьцуулахад 968 мянгаар нэмэгдсэн гэсэн үг юм. Мөн 1.7 сая төл буюу гарсан төлийн 93 хувь нь бойжиж байна. Он гарснаас хойш гурван сарын байдлаар 180 мянган мал хорогдоод байна. Энэ нь оны эхний нийт малын 0.3 хувийг эзэлж байгаа учир хэвийн гэж үзэж байгаа аж.
Хамгийн их хорогдолтой нь Хөвсгөл, Архангай, Хэнтий аймгууд байна. Хөвсгөл айм-гийн хэмжээнд одоогоор 50 гаруй мянган толгой мал хорогдоод байгаа. Түүнээс Цэцэрлэг суманд аймгийнх нь нийт хорогдлын 50 хувь буюу 22500 толгой мал хорогджээ.
Өнөөдрийн байдлаар малын гоц халдварт шүлхий өвч¬нөөр Дорнод аймгийн Матад, Хөлөнбуйр сум, Сүх¬баатар аймгийн Асгат, Баяндэлгэр, Баруун-Урт, Мөнх¬хаан, Сүхбаатар, Түмэнцогт, Эрдэнэцагаан сум, Хэнтий аймгийн Баян-Овоо, Норовлин сумын нийт 3583 толгой мал өвчилснийг зориудаар устгасан. Түүнчлэн хонины цэцэг өвчин долоон аймгийн 14 сум, нийслэлийн нэг дүүргийн нутагт давхардсан тоогоор 34 удаа гарч 2200 толгой малыг зориудаар устгаад байна.