мин

Шуурхай: Санкт-Петербургийн метронд болсон дэлбэрэлтийг В.Путин террорист халдлага гэв

Ub.life 2017.04.03 23 15

Одоогоор тодорхой болсон зүйлс: 

- ОХУ-ын Санкт Петербург хотын Сенная Площадь метроны буудалд дэлбэрэлт болов. Оросын хэвлэлүүдийн мэдээлж буйгаар хоёр удаа дэлбэрэлт болсон аж. 

- Дэлбэрэлтээс үүдэж 9 хүн газар дээрээ нас барж, 50 хүн бэртсэн мэдээтэй бөгөөд уг тоо өсөх магадлалтай гэнэ. 

- ОХУ-ын Ерөнхийлөгч В.Путин энэ үеэр Санкт Петербургт байжээ. 

- Тэрбээр уг дэлбэрэлт террорист халдлага байж болзошгүй гэж мэдэгдсэн байна. 

Тус улсын Терроризмын эсрэг байгууллагын хэвлэлийн төлөөлөгчийн хэлснээр чухам юуны учраас, ямар төрлийн тэсрэх бөмбөг байсан нь одоогоор тодорхойгүй байгаа аж. 

ОХУ-ын Ерөнхийлөгч В.Путин уг үйл явдлын дараахан шууд эфирээр ярилцлага өгч, гэмтэж бэртсэн болоод амь насаа алдсан хүмүүст эмгэнэл илэрхийлээд хэргийн учрыг нэн яаралтай олох үүргийг өгсөн гэдгээ уламжлав. Энэ үеэр Беларусийн Ерөнхийлөгч Александр Лукашенко хамт байжээ. 

Ub.life 2017.04.03