1 мин
“Эрдэнэ ресурс” Ази, Номхон далайн бүсийн шилдэг компани болжээ
Торонтогийн хөрөнгийн биржид бүртгэлтэй “Эрдэнэ ресурс девелопмент” компани Ази, Номхон далайн бүсийн шилдэг компаниар тодорчээ. Энэ жил арав дахь удаагаа болж буй “Mines and money Asia” хурлын үеэр энэ шагналыг гардуулсан байна.
“Эрдэнэ ресурс девелопмент” компанийн хувьд Өмнөговь аймагт орших Баян хөндий болон Алтан нар алтны төслийн хайгуулын ажилд зориулан өнгөрсөн онд нэг сая ам.доллар босгосон. Ингээд тус хоёр хайгуулын ордод өрөмдлөг хийхэд үр дүн нь сайн үзүүлэлттэй гарсан байдаг. Тус хоёр ордыг алтны арвин нөөцтэй гэж тооцдог.