1 мин

Австралийн Засгийн газар “Рио тинто”-г 360 сая ам.долларын татвар төлөх ёстой гэжээ

Э.Хулан 2017.04.06 47 36 35

“Рио тинто” компани Австралийн Засгийн газартай 360 сая ам.долларын татварын асуудлаар маргалдаж байна. Австралийн Засгийн газар “Рио тинто” компанийг орлогын албан татварт 360 сая ам.доллар нэмж төлөх шаардлагатай гэж үзэж буй юм. 

Дэлхийн хоёр номерийн уул уурхайн тус компанийг татвар төлөх орлогын үнэлгээгээ нэмэгдүүлэх хэрэгтэй талаар Австралийн татварын албанаас өнгөрсөн лхагва гаригт мэдэгдсэн юм. Харин “Рио тинто” компанийн зүгээс “Бид Олон улсын OECD-ий удирдамжийг дагаж, Австралийн дотоод хууль тогтоомжид захирагдаж байгаа” гэж хэлжээ. 

“Рио тинто” компанийн өрсөлдөгч “BHP Billiton” ч мөн Австралийн татварын албатай 775 сая ам.долларын татварын маргааныг өнгөрсөн оны есдүгээр сард үүсгэсэн байдаг. 

Э.Хулан 2017.04.06