Танилц: ОУВС-гаас Монголд өгөх зээлийн багцын задаргаа
УИХ-ын хаврын чуулганы нэгдсэн хуралдаан үргэлжилж байна. Хуралдааны үеэр 2017 оны Төсвийн тодотголын эхний хэлэлцүүлгийг хийж буй. Энэ үеэр Сангийн сайд Б.Чойжилсүрэн ОУВС-гаас Монголд өгөх зээлийн багцын задаргааг танилцууллаа.
Б.Чойжилсүрэн “ОУВС-гийн багцын задаргааг танилцуулъя. ОУВС-гийн хөтөлбөрт хамрагдсанаар тус сангаас 440 сая ам.доллар өгнө. Үүнийг Монголбанкны валютын нөөцийг нэмэхийн тулд шилжүүлнэ.
Хоёрдугаарт, Азийн хөгжлийн банк 900 сая ам.доллар зээлнэ.Үүнээс 600 сая ам.доллар төсвийн алдагдлыг санхүүжүүлнэ. Үлдсэн 300 сая ам.доллараар Азийн хөгжлийн банктай хамтарсан тодорхой төслүүдийг санхүүжүүлэхээр ярьсан. Дэлхийн банкнаас 600 сая ам.доллар өгнө. Үүнээс 440 сая ам.доллар нь төсвийн алдагдлыг санхүүжүүлнэ. Үлдсэн 160 сая ам.доллараар хөтөлобөр хэрэгжүүлнэ. Япон Улсаас 850 сая ам.доллар өгнө. Үүнийг 425, 425 сая ам.доллараар 2017, 2018 онд бэлэн мөнгөөр авна. Төсвийн алдагддлаа санхүүжүүлнэ" гэв.