БНСУ-ын 19 настай модел Юн Ён Бэ загварын ертөнцөд гялалзаж эхэллээ
Тэрээр загварын шоу, зураг авалтанд оролцохоор дэлхийг тойрон нисч байна.
БНСУ-ын модел Юн Ён Бэ дэлхийн топ дизайнеруудтай ажилласнаараа улсынхаа хамгийн нэртэй модел байж мэдэх юм. Тэрээр анх 2016 онд олны анхааралд өртөж, олон улсын загварынхны хүрээнд түүний тухай яриа тархах болсон. Юн Ён Бэ Парадагийн “Fall/Winter-2016”-гийн коллекцийн моделиор оролцсоноос хойш бүтэн жил ч өнгөрөөгүй байхад жинхэнэ супермоделийн амьдралаар амьдарч байна. Тэрээр Парист орон сууц худалдан авч, загварын шоу, зураг авалтанд оролцохоор дэлхийг тойрон нисч байгаа бөгөөд түүний инстаграм хуудас 45 мянган дагагчтай юм. Сүүлийн долоо хоногуудад гэхэд тэр “Chanel”, “Versace”, “Kenzo”, “Burberry”, “Tommy Hilfiger” болон бусад брэндийн модел болж, 28 өдөрт 31 шоунд загвар үзүүлжээ.
Юн Ён Бэ загварын шоунд оролцохоор Сөүлд ирсэн нь түүнд гэр бүл, найз нөхөдтэйгөө уулзах боломж олдсон ч тэрээр Солонгосын загварын томоохон арга хэмжээний нэгээхэн чухал хүн болоод байна. Өмнөд Солонгосын Дэгү хотоос гаралтай залуухан модел дэлхийн загварын ертөнцийн тод гялалзах од болоход бэлэн болжээ. Харин түүнийг урт хугацааны нислэг төдийгүй нэг нисэх онгоцны буудлаас нөгөөг зорих ажлууд хүлээсээр л...
Зургийн цомог