мин
Хойд Солонгосын Роналду “Serie A”-д гоол хийлээ
Тэрбээр Италийн лигэд гоол оруулсан Хойд Солонгосын анхны хөлбөмбөгч болж байгаа юм.
М.Сугар-Эрдэнэ
44 
27 
25 
Италийн хөлбөмбөгийн “Serie A” лигийн 31 дүгээр тойрогт нэгэн түүхэн үйл явдал тохиолоо. “Кальяри” – “Торино” багуудын тоглолтонд “Кальяри”-гийн довтлогч Хан Кван Сон гоол хийсэн. Тэрбээр Италийн лигэд гоол оруулсан Хойд Солонгосын анхны хөлбөмбөгч болж байгаа юм.
Хан Кван Сон 81 дэх минутад сэлгээгээр гарч, 90 дэх минутад Диего Фариасагийн дамжуулсан бөмбөгийг мөргөн хаалганд оруулсан. 18 настай энэ хөвгүүн нэгдүгээр сараас “Кальяри”-д шалгуулан, бэлтгэл хийж байсан бөгөөд гуравдугаар сарын 10-нд гэрээ байгуулсан. Тус багийн түүхэн дэх анхны ази тоглогч төдийгүй “Serie A”-гийн анхны Хойд Солонгос хөлбөмбөгч болсон билээ.
Хан Кван Сон Хойд Солонгосын шигшээ багт 16 хүртэлх насны Азийн аварга (U-16) болж, 2015 оны U-17 ДАШТ-д тун сайн тоглон, мэргэжилтнүүдийн анхаарлыг татсан. 2015-2016 онд БНАСАУ-ын “Чобьён” багт тоглож байсан. Гадаадын хэвлэлээр түүнийг Хойд Солонгосын Роналду гэж нэрлэдэг болоод байгаа.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа