1 мин

Видео: "United Airlines"-ийн онгоцноос ази хүнийг чирж буулгажээ

Э.Хулан 2017.04.11 45 13

АНУ-ын “United Airlines”-ийн онгоцонд суусан ази хүнийг авиа компанийн хамгаалагчид онгоцноос чирж буулгасан бичлэг олон нийтийн сүлжээнд шуугиан тарьж байна. Ази залууг орилуулж, чарлуулан байж онгоцноос чирж буулгасан үйлдлийг арьс өнгөний үзэлтэй холбон дургүйцэх хүн олон байгаа юм. 

@United overbook #flight3411 and decided to force random passengers off the plane. Here's how they did it: pic.twitter.com/QfefM8X2cW

— Jayse D. Anspach (@JayseDavid) April 10, 2017

Энэхүү үйл явдлын талаар Чикаго хотын удирдлагууд тайлбар хийжээ. “United Airlines” компанийн эл нислэгийн билетийн тоо хэтэрсэн учраас дөрвөн зорчигч буулгах шаардлагатай болжээ. Ингээд авиа компанийн зүгээс сайн дураараа буусан дөрвөн зорчигчид 800 ам.долларын буцаалт, нэг хоногийн зочид буудлын төлбөр төлнө гэж амласан аж. Гэтэл сайн дураараа буух зорчигч олдоогүй гэнэ. Тиймээс дөрвөн хүний нэрийг автоматаар шүүж гаргахад мөнөөх ази залуугийн нэр багтсан байна. 

Харин ази залуу “Би эмч хүн. Маргааш өглөө өвчтөнөө үзэх учиртай. Тиймээс би буухгүй. Өмгөөлөгчтэйгээ ярина” гэж хэлсэн байна. Гэтэл “United Airlines”-ийн хамгаалагчид хүч хэрэглэн, түүнийг онгоцноос буулгасан аж. Гэхдээ ази залууг буулгасан үйл ажиллагаанд АНУ-ын Тээврийн яам ямар ч хамаагүй гэж мэдэгдсэн байна.  

Э.Хулан 2017.04.11